Best Bus Accident: कुर्ला परिसरात भरधाव वेगातील बेस्ट बसचा अपघात

मुंबई: मुंबईच्या कुर्ला परिसरात बेस्ट बसचा भीषण अपघात घडल्याची बातमी समोर आली आहे. कुर्ला येथील एलबीएस रोडवर हा अपघात घडला. भरधाव वेगात असलेल्या बेस्ट बसने चार ते पाच वाहनांना जोरदार धडक दिली. यात रिक्षा, टूव्हीलर, टॅक्सी या वाहनांना धडक बसली. यात अनेक जण जखमी झाले असून काही जणांचा मृत्यू झाल्याची माहिती मिळत आहे.

या अपघातातील जखमींना जवळच्या सायन रूग्णालयात दाखल करण्यात आले आहे. या घटनेनंतर त्या ठिकाणी तणावजनक स्थिती निर्माण झाली. मोठ्या प्रमाणातील जमाव रस्त्यावर आला.