मुंबई : विधानसभेच्या निकालानंतर (Assembly Election 2024) काल राज्याचे मुख्यमंत्रीसह उपमुख्यमंत्री पदाचा शपथविधी सोहळा पार पडला. यामध्ये राज्याचे २१ वे मुख्यमंत्री म्हणून भाजपा नेते देवेंद्र फडणवीस (Devendra Fadnavis) यांनी शपथ घेतली. तर एकनाथ शिंदे (Eknath Shinde) आणि अजित पवार (Ajit Pawar) या दोघांनी उपमुख्यमंत्रीपदाची शपथ घेतली. त्यानंतर आता महाराष्ट्र विधानसभेचे हंगामी अध्यक्ष म्हणून भाजपा पक्षाचे आमदार कालिदास कोळंबकर (Kalidas Kolambkar) यांची नियुक्ती करण्यात आली असून आज त्यांचा शपथविधीही पार पडला.
नवी दिल्ली : गेल्या १० पतधोरण समिती बैठकांमध्ये रिझर्व्ह बँकेने (RBI) घेतलेली भूमिका आता ११व्या समिती बैठकीत जशाच तसे ठेवली आहे. आज आरबीआयकडून जारी ...
आज राजभवनात मुख्यमंत्री देवेंद्र फडणवीस, निलम गोऱ्हे यांच्या उपस्थितीत आमदार कालिदास कोळंबकर यांनी हंगामी अध्यक्ष म्हणून शपथ घेतली. त्यामुळे आता विधिमंडळाच्या विशेष अधिवेशन काळात यांच्या अध्यक्षतेखाली विधानसभेचे कामकाज होणार आहे.
काय म्हणाले कालिदास कोळंबकर?
मी कालिदास कोळंबकर विधानसभेच्या हंगामी अध्यक्षपदी शपथ घेतो की... असे म्हणत कालिदास कोळंबकर यांनी राजभवनात विधानमंडळाच्या विशेष अधिवेशनासाठी हंगामी अध्यक्ष म्हणून आज शपथ घेतली. राज्यपाल राधाकृष्णन यांनी कोळंबकर यांना पद व गोपनियतेची शपथ दिली. त्यानंतर, राज्याचे मुख्यमंत्री देवेंद्र फडणवीस यांनीही पुष्पगुच्छ देऊ त्यांचे अभिनंदन केले. तर, विधानपरिषद सभापती निलम गोऱ्हे यांनीही कोळंबकर यांचे अभिनंदन केले.
विधिमंडळाचे तीन दिवसीय विशेष अधिवेशन
उद्यापासून विधिमंडळाचे तीन दिवसीय विशेष अधिवेशन बोलवण्यात आले आहे. यामध्ये नवनिर्वाचित आमदारांचा शपथविधीचा कार्यक्रम पार पडणार आहे. ९ डिसेंबर रोजी नव्या विधानसभा अध्यक्षाची निवड होणार आहे. तर १६ डिसेंबरपूर्वी मंत्रिमंडळाचा विस्तार होणार असल्याची माहिती मुख्यमंत्री देवेंद्र फडणवीस यांनी दिली.