मुंबई: वर्षाच्या शेवटच्या महिन्यातील डिसेंबरच्या पहिल्या तारखेला महागाईचा मोठा झटका बसला आहे. तसेच तेल वितरण कंपन्यांनी एलपीजी गॅस सिलेंडरच्या किंमतीत(LPG Price) वाढ केली आहे. विविध शहरांतील कंपन्यांनी किंमती जाहीर केल्या आहेत. यानुसार १९ किलोच्या एलपीजी गॅस सिलेंडरच्या दरात १८ रूपयांपर्यंत वाढ झाली आहे. याआदी नोव्हेंबरच्या पहिल्या तारखेलाही सिलेंडरचे दर वाढले होते. दरम्यान, १४ किलोंच्या सिलेंडरच्या दरात कोणतेही बदल करण्यात आलेले नाहीत.
बदलानंतर हे आहेत नवे दर
एलपीजी सिलेंडच्या दरात १ डिसेंबरपासून बदल करण्यात आलेले आहेत. दिल्लीपासून ते मुंबईपर्यंत या दरात बदल झाले आहेत. १ डिसेंबरला देशाची राजधानी दिल्लीमध्ये १९ किलोच्या एलपीजी सिलेंडरटे दर १८१८.५० रूपये झाले आहेत. आधी हे दर १८०२ रूपये होते.
शहरे वाढलेले दर आधीचे दर
दिल्ली १८१८.५० रूपये १८०२ रूपये
कोलकाता १९२७ रूपये १९११.५० रूपये
मुंबई १७७१ रूपये १७५४.५० रूपये
चेन्नई १९८०.५० रूपये १९६४.५० रूपये
घरगुती गॅस सिलेंडरचे दर स्थिर
बऱ्याच कालावधीपासून १९ किलोच्या कमर्शियल गॅस सिलेंडरच्या दरात सातत्याने वाढ पाहायला मिळत आहे. मात्र १४ किलोंच्या घरगुती सिलेंडरच्या दरात मात्र कोणतेही बदल करण्यात आलेले नाहीत.