भाविकांसाठी मध्य रेल्वेचे नियोजन
सोलापूर: पंढरपूर मध्ये होणाऱ्या कार्तिकी यात्रेला भाविकांच्या सोयीसाठी मध्य रेल्वेकडून तीन विशेष अनारक्षित गाड्यांचे नियोजन करण्यात आले आहे. या गाड्या ८ ते १५ नोव्हेंबरदरम्यान या विविध स्थानकांवरून पंढरपूरकडे जाण्यासाठी चालविण्यात येणार आहेत.यामध्ये लातूर-पंढरपूर-लातूर विशेष ही विशेष ट्रेन दिनांक १२ व १३ नोव्हेंबर रोजी लातूर स्थानकावरून सकाळी ७:३० वाजता सुटेल आणि पंढरपूर रेल्वे स्थानकावर दुपारी १२:५० वाजता पोहोचेल.
पंढरपूर-लातूर ही विशेष ट्रेन दिनांक १२ व १३ नोव्हेंबर रोजी पंढरपूर स्थानकावरून दुपारी १:५० वाजता सुटेल आणि लातूर रेल्वे स्थानकावर सायंकाळी ७:२० वाजता पोहोचणार असल्याची माहिती रेल्वेच्या वतीने देण्यात आली.