नाशिक : नाशिक मध्य मतदार संघात शिवसेना उबाठा सेनेला जागा सोडल्याने नाराज झालेल्या काँग्रेसच्या प्रवक्त्या डॉ. हेमलता पाटील यांनी निवडणुकीत उतरण्याचा निर्धार व्यक्त करत अपक्ष उमेदवारी जाहीर केली आहे.
गेल्या निवडणुकीत डॉ. पाटील यांनी ऐनवेळी उमेदवारी जाहीर केल्यावरही तब्बल ४० हजारपेक्षा जास्त मते प्राप्त केली होती. त्यामुळे या निवडणुकीत लढण्याचा अधिकार आपलाच असल्याचा दावा त्यांनी केला होता; मात्र सदर जागा सोडून वसंत गीते यांना येथे उमेदवारी देण्यात आली आहे.
नाशिक शहरात काँग्रेसला चारपैकी एकही जागा न सोडल्याने संतप्त झालेल्या काही काँग्रेस पदाधिकाऱ्यांनी गुरुवारी काँग्रेस भवनला टाळे ठोकत निषेध व्यक्त केला होता. त्यानंतर शुक्रवारी डॉ. पाटील यांनी समाज माध्यमावर एक पोस्ट करत आपण निवडणुकीत अपक्ष उमेदवारी जाहीर करत असल्याचे जाहीर केले.
या पोस्टमध्ये डॉ. पाटील यांनी म्हटले आहे की, गेली ३० वर्षे पक्षाचे काम अत्यंत निष्ठेने करत आहे. गेल्या निवडणुकीत माझी कोणतीही तयारी नसताना ऐनवेळी पक्षाने विधानसभेची निवडणूक लढविण्याचे आदेश दिले आणि मी केवळ १२ दिवसांमध्ये तब्बल ४६३०० मते मिळवली. आता २०२४ च्या विधानसभा निवडणुकीत नाशिक मध्य मतदारसंघातून कॉंग्रेसने मला आश्वासन दिले होते. परंतु शेवटच्या क्षणी ही जागा उबाठा गटाला सोडली. पक्षाला संपूर्ण नाशिक शहरामध्ये चारपैकी एकही जागा वाट्याला आलेली नाही, हे दुर्दैव. म्हणूनच मी ही निवडणूक अपक्ष म्हणून लढण्याचा निश्चय केला आहे. मतदारसंघाची गेल्या दहा वर्षात झालेली वाताहत डोळ्यांसमोर पहाताना वेदना होत आहेत.
बंगलोर: इंडियन प्रीमियर लीग २०२५च्या ३४व्या सामन्यात आज पंजाब किंग्स संघाने रॉयल चॅलेंजर्स बंगलोरला हरवले…
नवी दिल्ली : आजचा दिवस प्रत्येक भारतीयासाठी अभिमानाचा आणि गौरवाचा ठरला आहे. भारताच्या सांस्कृतिक वारशाला…
घाटकोपर मध्ये हिंदी माध्यमातील पाठ्यपुस्तके जाळून मनसेने केला निषेध मुंबई : हिंदी भाषा सक्ती विरोधात…
या प्रकरणात माजी आमदार वैभव नाईक यांचीही चौकशी करा कुडाळ : वैभव नाईक जेव्हा आमदार…
नवी मुंबई : प्लास्टिक प्रतिबंधात्मक मोहीमांव्दारे एकल वापरातील प्लास्टिकचा वापर थांबविण्यासाठी महापालिका आयुक्त डॉ. कैलास…
मुंबई : राज्य शालेय अभ्यासक्रम आराखडा २०२४ नुसार महाराष्ट्रात पहिलीपासूनच हिंदी ही भाषा अनिवार्य करण्यात…