गुना : देशातील बलात्काराच्या (Rape) आणि महिला अत्याचाराच्या वाढत्या घटना चिंताजनक बाब आहे. कोलकात्यात (Kolkata news) आरजी कर मेडिकल कॉलेजात महिला डॉक्टरवरील बलात्कार आणि हत्या प्रकरणामुळे तर संपूर्ण देश हादरला आहे. त्यातच मध्यप्रदेशातून (MP Crime) देखील अशीच एक धक्कादायक घटना समोर आली होती. मध्य प्रदेशातील गुना येथे तीन दिवसांपूर्वी एका महिलेच्या मृतदेहाचे तीन तुकडे करुन ते पोत्यात भरुन फेकल्याचं समोर आलं होतं. या घटनेनंतर संपूर्ण परिसरात भीतीचे वातावरण पसरलं होतं. या महिलेची आता ओळख पटली आहे.
मिळालेल्या माहितीनुसार, मध्य प्रदेशातील गुना जिल्ह्यातील चाचोडा बिनागंज भागातील खातोली गावात एका रेशन दुकानाच्या आवारात ३ दिवसांपूर्वी एका महिलेचा मृतदेह आढळून आला होता. हा मृतदेह तीन तुकड्यांमध्ये सापडला होता, ज्यामुळे सारेच हादरले होते. ही महिला सांडिल्यखेडी गावातील रहिवासी असल्याची माहिती आता मिळाली आहे. झुनाबाई तन्वर (वय वर्ष ४०) असं या महिलेचं नाव असून पतीच नाव शेरू सिंह असल्याचे सांगण्यात येत आहे.
झुनाबाई यांचा मुलगा गोविंद सिंग याने सांगितले की, त्याची आई बिनागंज येथे राखी खरेदी करण्यासाठी गेली होती. त्यानंतर ती घरी परतलीच नाही. या प्रकरणी पोलिसांनी उत्तर प्रदेशातील झाशी येथील एका संशयितालाही ताब्यात घेतले आहे. सध्या या प्रकरणाची चौकशी सुरू आहे.
गुनाचे एसपी संजीव कुमार सिंह यांनी दिलेल्या माहितीनुसार, खतौली गावात एका गोणीत महिलेचा मृतदेह सापडला होता. तो सांडिल्यखेडी येथील रहिवासी महिलेचा असल्याचं समोर आले आहे. तिच्या हातावराल ए आकाराचा टॅटू पाहून पती शेरू सिंग आणि मुलगा गोविंद सिंग यांनी मृतदेहाची ओळख पटवली.
महिलेचे डोके, धड आणि कमरेच्या खालचा भाग कापून सरकारी रेशन दुकानाच्या आवारात गोण्यांमध्ये ठेवण्यात आला होता. त्यावर माश्या भिरभिरत होत्या. जेव्हा लोकांना दुर्गंधी येऊ लागली तेव्हा त्यांनी पोलिसांना याबाबतची माहिती दिली. महिलेच्या शरीराचे कटरने तुकडे करण्यात आले होते. सध्या शवविच्छेदन अहवालाची प्रतीक्षा आहे. प्रकरणाचे गांभीर्य लक्षात घेऊन सीसीटीव्ही फुटेज तपासले जात आहे. पोलिसांनी तपास सुरू केला आहे, अशी माहिती एसडीओपी दिव्या राजावत यांनी दिली.
नवी दिल्ली: पहलगाम दहशतवादी हल्ल्यात भारतीय नौदलाचे एक अधिकारी आणि आयबीच्या एका अधिकाऱ्याचा मृत्यू झाला…
नवी दिल्ली: जम्मू-काश्मीरच्या पहलगाम येथे पर्यटकांवर झालेल्या दहशतवादी हल्ल्यानंतर पंतप्रधान नरेंद्र मोदी यांनी सौदी अरेबियाचा…
पहलगाम: जम्मू काश्मीरच्या पहलगाममध्ये झालेल्या दहशतवाद्यांच्या गोळीबारात महाराष्ट्रातील चार पर्यटकांचा मृत्यू झाला आहे. त्यात डोंबिवलीच्या…
गीतांजली वाणी ज्ञानदायी स्रोत असते पुस्तक आवड जयास उजळ मस्तक नवी जीवनाची प्रगती आणि विकास…
फॅमिली काऊन्सलिंग : मीनाक्षी जगदाळे आजकाल आपण दररोज बघतोय की, अगदी लहान अथवा तरुण मुलं…
महिला पोलीस अधिकारी अश्विनी बिद्रे-गोरे यांच्या हत्येप्रकरणी खाकी वर्दीतला एकेकाळचा सहकारी पोलीस अधिकारी अभय कुरुंदकरला…