मुंबई: पॅरिस ऑलिम्पिक २०२४ दरम्यान भारतासाठी वाईट बातमी समोर आली आहे. भारताची महिला गोल्फर दीक्षा डागर हिचा कार अपघात झाला आहे. या अपघातात दीक्षाला दुखापत झाली नाही मात्र तिची आई जखमी झाली आहे.
सूत्रांच्या माहितीनुसार दीक्षा डागरचा कार अपघात ३० जुलैला संध्याकाळी पॅरिसमध्ये झाला आहे. त्यात तिची आई जखमी झाली आहे. त्यांना रुग्णालयात दाखल करण्यात आले. तिला पाठीला दुखापत झाली आहे. दीक्षा ठीक असून ती पॅरिस ऑलिम्पिकमध्ये आपल्या सामन्यात खेळेल.
अपघातावेळेस कारमध्ये कुटुंबातील ४ सदस्य होते. या अपघातात दीक्षाच्या आईला पाठीला दुखापत झाली तर भावाला किरकोळ दुखापत झाली. तर वडील आणि दीक्षाला कोणतीही दुखापत झाली नाही. तिची आई रुग्णालयात आहे.
पॅरिस ऑलिम्पिकमध्ये महिला गोल्फ इव्हेंट ७ ते १० ऑगस्टदरम्यान होणार आहे. या दरम्यान दीक्षाचा सामना ७ ऑगस्टला होणार आहे. भारताकडून महिला गोल्फ इव्हेंटमध्ये दीक्षाशिवाय आदिती अशोकही भाग घेत आहेत.