दरमहा खात्यात जमा होणार इतकी रक्कम
पंढरपुरातून मुख्यमंत्र्यांची मोठी घोषणा
सोलापूर : काही दिवसांपुर्वी राज्य सरकारने लाडकी बहीण (Ladki Bahin) योजनेची घोषणा केली. यामध्ये राज्यातील लाभार्थी महिलांच्या खात्यात दरमहा १,५०० रुपये जमा होणार आहेत. यामुळे महिला वर्गामध्ये सध्या आनंदाचे वातावरण निर्माण झाले आहे. परंतु पुरुष वर्गाने यादरम्यान नाराजीचा सूर मारला होता. सातत्याने लाडका भाऊ योजना का नाही? असा प्रश्न पुरुष वर्गाकडून केला जात होता. ही गोष्ट लक्षात घेता मुख्यमंत्री एकनाथ शिंदे (CM Eknath Shinde) यांनी तरुणवर्गासाठी एक आनंदाची घोषणा केली आहे.
मुख्यमंत्री एकनाथ शिंदे यांनी आज आषाढी एकादशीनिमित्त (Ashadhi Ekadashi) विठुरायाची (Vitthal) महापूजा करण्यासाठी पंढरपूरला (Pandharpur) हजेरी लावली होती. पूजा पार पडल्यानंतर मुख्यमंत्र्यांनी राज्यात चांगला पाऊस पडू दे, बळीराजा सुखी-समाधानी होऊ दे, असे मागणे विठुरायाकडे मागितले. त्यानंतर त्यांनी राज्यात आपण लाडकी बहीण योजना (Ladki Bahin Yojana) सुरू केली असून याचा लाभ लाखो महिलांना मिळत असल्याचे मुख्यमंत्री शिंदेंनी सांगितले. तर आता आपण लाडक्या भावालाही (Ladka Bhau Yojna) आर्थिक मदत देणार आहोत. यामुळे आता बहिणींसोबत भावांच्या खात्यातही पैसे जमा होणार आहेत, असे मुख्यमंत्री एकनाथ शिंदे यांनी म्हटले.
असे म्हटले.
लाडक्या भावांसाठी योजना काय?
- लाडका भाऊ योजनेअंतर्गत बारावी उत्तीर्ण तरुणांना दरमहा ६ हजार रुपये
- डिप्लोमा केलेल्या तरुणाला दरमहा ८ हजार रुपये आणि पदवीधर तरुणाला १० हजार रुपये दिले जाणार आहेत.
मुख्यमंत्र्यांनी काय म्हटले?
लाडका भाऊ योजनेअंतर्गत, राज्यसह देशातील उद्योग जगताला कुशल तरुण पुरवणार आहोत. यात तरुण वर्षभर एखाद्या कारखान्यात अप्रेन्टिसशिप (Apprenticeship) करेल, त्यानंतर तिथे त्याला कामाचा अनुभव मिळेल आणि त्या अनुभवाच्या जोरावर त्याला नोकरी देखील मिळेल. एक प्रकारे आपण स्कील्ड मॅनपावर (कुशल कामगार) तयार करत असल्याचे मुख्यमंत्री एकनाथ शिंदे यांनी म्हटले.
त्यासोबत आपल्या राज्यातील तरुण ज्या कारखान्यात काम करतील अप्रेन्टिसशिप करतील तिथे राज्य सरकार पैसे भरेल अशी माहितीही देण्यात आली आहे. अशा प्रकारची योजना आणण्याची इतिहासातील पहिलीच घटना असल्याचे मुख्यमंत्र्यांनी सांगितले. या योजनेअंतर्गत राज्यातील तरुण कारखान्यात अप्रेन्टिसशिप करतील आणि त्यांना सरकार स्टायपंड देणार आहे.