Tuesday, July 16, 2024
Homeताज्या घडामोडीZika Virus : पुण्यात झिकाचा कहर! रुग्ण संख्येत आणखी भर

Zika Virus : पुण्यात झिकाचा कहर! रुग्ण संख्येत आणखी भर

२ गर्भवती महिलांसह ६ जणांना विषाणूची लागण

पुणे : काही दिवसांपूर्वी पुण्याच्या (Pune News) कोथरुड एरंडवणे भागात दोघांना झिकाचा (Zika Virus) प्रादुर्भाव झाला होता. त्यानंतर आणखी एका रुग्णाला झिकाची लागण झाल्याने पुणेकरांची चांगलीच खळबळ उडाली होती. मात्र आता ही संख्या सहा वर पोहोचली आहे. आतापर्यंत पुण्यातील ६ जणांना झिका विषाणूची लागण झाल्याचे समोर आले आहे. झिका व्हायरस बाधितांच्या वाढत्या संख्येमुळे पुणेकरांची धाकधुक वाढत चालले असल्याचे दिसून येत आहे. झिकाच्या वाढत्या प्रादुर्भावामुळे आरोग्य विभाग आणि पुणे महापालिका सतर्क झाली आहे.

आरोग्य विभागाच्या अधिकाऱ्यांनी दिलेल्या माहितीनुसार, पुण्यातील एरंडवणे या भागात २८ वर्षीय महिलेला झिका विषाणूची लागण झाली आहे. या गर्भवती महिलेचा अहवाल पॉझिटिव्ह आला आहे. याआधीही एका गरोदर महिलेला झिका विषाणूची लागण झाली होती. सध्या या दोन्ही गरोदर महिलांची प्रकृती स्थिर आहे. गरोदर महिलांना झिका विषाणूची लागण झाल्याने भ्रूणावर मोठा परिणाम होण्याची शक्यता वर्तवण्यात येत आहे.

दरम्यान, पुण्यात झिका व्हायरस वेगाने पसरत आहे. त्यामुळे पुणेकरांच्या चिंतेत मोठ्या प्रमाणात वाढ होत आहे. सध्या बाधितांची संख्या सहावर पोहोचली आहे. ही गंभीर बाब लक्षात घेता पुणे आरोग्य विभाग आणि महापालिका प्रशासन सतर्क झाली असून उपाययोजना सुरु करण्यात आल्या आहेत, असे महानगर पालिकेचे सहाय्यक आरोग्य अधिकारी राजेश दिघे यांनी सांगितले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -