मुंबई : मुंबई शहरातील विरार हे एक गजबजलेले उपनगर आहे. मुंबईत असले तरीही अनेकजण या उपनगराला गाव म्हणतात. असे असले तरीही विरार आणि त्याच्या सभोवतालच्या हिरवळ प्रदेशात वसलेली अनेक नैसर्गिक ठिकाणे आहेत जी पर्यटकांना एक मोहक सुटका देतात. धबधबे, प्रमुख स्थळांनी आच्छादलेले, निसर्गाचे अप्रतिम सौंदर्य या सर्व गोष्टी पाहण्यासाठी नेहमीच पर्यटकांची गर्दी जमते. पावसाला सुरुवात होताच अनेकांचे पाय धबधब्यांकडे वळू लागतात. म्हणूनच आज आम्ही तुम्हाला विरार जवळील अशा काही धबधब्यांबद्दल माहिती देणार आहोत. जे गजबजलेल्या शहरी जीवनापासून दूर मित्रपरिवारासोबत वेळ घालवण्यासाठी उत्तम पर्याय ठरु शकणार आहेत.
सफाळे रेल्वे स्थानकाच्या पूर्वेला अवघ्या नऊ किलोमीटर अंतरावर लालठाणे हे गाव आहे. या गावाच्या पूर्वेला दुथडी भरून वाहणारी वैतरणा नदी तर पश्चिमेकडे तांदूळवाडी किल्ला आहे. हिरव्यागार वनराईमुळे लालठाणे येथील धबधब्यावर (Lalthane Waterfall) काही वर्षांपासून मुंबई आणि मुंबई उपनगरातील व ठाणे जिल्ह्यातील मिरा-भाईंदर येथील पर्यटक वर्षा सहलीला मोठ्या प्रमाणात येतात. मुंबई-अहमदाबाद राष्ट्रीय महामार्ग वरईपासून अवघ्या २२ किलोमीटर अंतरावर तर पालघर रेल्वे स्थानकापासून १७ किलोमीटर अंतरावर हा धबधबा आहे.
विरारच्या सभोवतालच्या निसर्गसौंदर्यामध्ये बेलवाडी धबधबा (Belwadi Waterfall) एक नयनरम्य गोष्ट आहे. यात विरारजवळील धबधब्यांपर्यंत काही उत्तम हायकिंग ट्रेल्स आहेत, जे साहसी प्रेमी आणि कुटुंबांना आकर्षित करतात. शांत वातावरण आणि हिरव्यागार परिसरामुळे बेलवाडी हे विरार जवळील छायाचित्रणासाठी अव्वल दर्जाचे ठिकाण बनले आहे. याठिकाणी तुम्ही तिथले ताजेतवाने सौंदर्य टिपू शकता.
विरारजवळील नयनरम्य धबधब्यांपैकी एक गास्पाडा धबधबा (Gaspada Waterfall) आहे. विरार स्थानकापासून हाकेच्या अंतरावर असणारा तसेच शांत वनक्षेत्रात वसलेला हा धबधबा पर्यटकांना नैसर्गिक आकर्षणाने मोहित करतो. ट्रेकिंग करण्यासाठी ट्रेकर्सना हे उत्तम ठिकाण असणार आहे.
नालासोपारा येथील पूर्व दिशेला निसर्गाच्या सानिध्यात लपलेला धनिवबाग धबधबा (Dhaniv Baug Waterfall) आहे. विरारपापसून अगदी हाकेच्या अंतरावर असणारा हा धबधबा विरारच्या नैसर्गिक सौंदर्याची झलक देतो. कुटुंब किंवा मित्रपरिवारासोबत तुम्हाला एकदिवसीय पिकनिकसाठी हे चांगले ठिकाण आहे.
महाराष्ट्रातील वसईजवळील तुंगारेश्वर वन्यजीव अभयारण्याच्या आवारात वसलेला, तुंगारेश्वर धबधबा (Tungareshwar Waterfall) हा एक सुंदर धबधबा आहे आणि मुंबई आणि इतर शेजारील शहरांमधून वीकेंडला जाण्यासाठी एक लोकप्रिय ठिकाण आहे. निसर्गप्रेमी आणि फोटोग्राफी उत्साही लोकांव्यतिरिक्त, या ठिकाणी पक्षीनिरीक्षक देखील वारंवार येत असतात. या परिसरात विविध प्रकारच्या पक्षी प्रजाती आढळतात. आवारात एक लहान शिवमंदिर देखील आहे ज्याला तुम्ही भेट देऊ शकता.
पंकजा मुंडेंची लागली वर्णी; आणखी कोणाकोणाला मिळाली संधी? मुंबई : लोकसभा निवडणुकीनंतर (Loksabha Election) राज्यात…
झोपेत चालत थेट सहाव्या मजल्यावरुन खाली कोसळला मुंबई : झोपेत चालण्याच्या सवयीमुळे (sleepwalking) भायखळा येथील…
जाळपोळ आणि तोडफोड करत केले आंदोलन नागपूर : जगभरातील बौद्ध अनुयायांसह (Buddhist followers) तमाम भारतीयांचे…
ताह्मिणी घाटातील धक्कादायक प्रकार पुणे : पावसाळा सुरु होताच अनेकजण पर्यटनाचं (Monsoon picnic) आयोजन करतात.…
AI च्या किमयेने कट रचला आणि मैत्रिणीने चुना लावला मुंबई : हल्ली एआय तंत्रज्ञानामुळे (AI…
प्रवाशांनी सावध राहण्याचे पुणे पोलिसांचे आवाहन पुणे : पुण्यातील धक्कादायक प्रकारांचे सत्र सुरुच असून रोज…