Pune Drugs Case : पुणे ड्रग्ज प्रकरणी अनधिकृत पब्ज आणि बारवर फिरवला हातोडा!

मुख्यमंत्र्यांच्या आदेशानंतर पुणे पालिका खडबडून जागी


पुणे : रोज घडत असलेल्या चित्रविचित्र गुन्हेगारी घटनांमुळे विद्येचे माहेरघर समजल्या जाणाऱ्या पुण्याला कलंक (Pune crime) लागला आहे. त्यातच काही दिवसांपूर्वी पुण्यातून ड्रग्ज पार्टी प्रकरण (Pune Drugs Case) समोर आलं. यासंबंधी मुख्यमंत्री एकनाथ शिंदे (CM Eknath Shinde) यांच्या आदेशानंतर पुणे महानगर पालिकेला (Pune Municipal Corporation) खडबडून जाग आली आहे. पुणे पालिका अॅक्शन मोडमध्ये आली असून एफसी रोडवरील (FC road) अनधिकृत पब, बारवर धडक कारवाई करण्यास सुरूवात केली आहे. या पब आणि बार समोरील अनधिकृत बांधकाम पाडण्यात येत आहे.


मिळालेल्या माहितीनुसार, पुणे महानगर पालिकेच्या अतिक्रमण विभागाचे अधिकारी फर्ग्युसन रोडवर दाखल झाले आहेत. या ठिकाणी अनेक हॉटेल चालकांनी अनधिकृत बांधकाम केलं आहे त्यावर कारवाई केली जात आहे. या ठिकाणी असणाऱ्या अनेक हॉटेल, पब आणि बारला नोटीस पाठवण्यात आल्या होत्या. मात्र तरीही अनेक हॉटेल चालकांनी अनधिकृत बांधकाम केलं आहे, त्यामुळे महापालिका आक्रमक होऊन आता कारवाई करत आहे. अनधिकृत बांधकामावर महापालिकेच्या कर्मचारी आणि अधिकारी अधिकाऱ्यांनी हातोडा फिरवण्यास सुरूवात केली आहे.



'त्या' पबवरही होणार कारवाई


पुण्यातील कथित ड्रग्सचे सेवन करणारे २ तरुण ज्या बारमध्ये दिसले होते, त्या L3 बारवरही कारवाई होणार आहे. या पबबाहेर अतिक्रमण विभागाचे अधिकारी कर्मचारी पोहोचले असून अतिक्रमणविरोधी कारवाई करण्याची शक्यता आहे. तर ड्रग्सचे सेवन करणाऱ्या २ तरुणांपैकी एका तरुणाला पुण्यातून पोलिसांनी ताब्यात घेतले आहे. दुसऱ्या तरुणाला पुणे पोलिसांच्या गुन्हे शाखेने मुंबईतून ताब्यात घेतलं आहे. नितीन आणि करण अशी या तरुणांची नावं आहेत.


दोन्ही तरुणांचे रक्ताचे नमुने तपासणीसाठी घेण्यात येणार आहेत. दोघे ही तरुण मित्र असून २४ ते २५ वर्षे वयोगटातील असल्याची प्राथमिक माहिती समोर आली आहे. मध्यरात्री १.३० वाजता या तरुणांनी L3 बारमध्ये एन्ट्री केली होती अशी माहिती आहे.



नेमकं काय घडलं होतं?


पुण्यातील एफसी रोडवर L3 बारमध्ये येण्याआधी ४० ते ५० तरुणांनी हडपसरमधील एका नामांकित पबमध्ये रात्री १२ वाजेपर्यंत पार्टी केली होती. आणखी पार्टी करण्यासाठी या तरुणांनी L3 बार गाठले होते. हडपसर भागात असलेल्या त्या पबचे सीसीटीव्ही पोलिसांनी जप्त केले आहे. हडपसरमधील पार्टी झाल्यानंतर ५० तरुण L3 बारमध्ये पोहचले होते.



L3 बारच्या मालकांनी दिली धमकी


दरम्यान, L3 बारच्या मालकांनी यासंबंधी कोर्टात जाणार असल्याचा इशारा दिला आहे. मागील ४० वर्षांत महानगरपालिकेच्या कर्मचाऱ्यांना काही वावगं आढळलं नाही, मग आताच का कारवाई केली? असा सवाल बारच्या मालकांनी उपस्थित केला आहे. त्यामुळे या प्रकरणात आणखी काय वळणं येणार हे पाहणं महत्त्वाचं ठरणार आहे.

Comments
Add Comment

RSS : कोण शत्रू, कोण मित्र ? हे पहलगामच्या घटनेने शिकवले'

नागपूर : ऐतिहासिक रेशीमबाग मैदानावर राष्ट्रीय स्वयंसेवक संघाचा विजयादशमी उत्सव झाला. या उत्सवात बोलताना

राष्ट्रीय स्वयंसेवक संघाचा विजयादशमी उत्सव, माजी राष्ट्रपतींची उपस्थिती

नागपूर : राष्ट्रीय स्वयंसेवक संघाला १०० वर्षे पूर्ण झाली. या निमित्ताने यंदा नागपूरमध्ये भव्य विजयादशमी

दुकाने, हॉटेल्ससह इतर आस्थापने २४ तास खुली राहणार!

मुंबई : राज्यभरातील दुकाने २४ तास खुली ठेवण्यास परवानगी असणार आहे. राज्यातील महायुती सरकारने हा निर्णय घेतला आहे.

शिंदेंचं एक पाऊल मागे! निवडणुकीत शिवसेना धाकटा भाऊ होणार, शिंदेंना कमी जागा मिळणार?

मुंबई: मुख्यमंत्री देवेंद्र फडणवीस यांचे डावपेच आणि रणनीतीमुळे एकनाथ शिंदे पुन्हा एकदा बॅकफूटवर गेलेत.

Gautami Patil : मोठी बातमी! पुण्यात गौतमी पाटीलच्या वाहनाचा मोठा अपघात, नेमकं घडलं तरी काय?

पुणे : महाराष्ट्रातील सुप्रसिद्ध नृत्यांगणा गौतमी पाटील (Gautami Patil) तिच्या कार्यक्रमांना होणाऱ्या प्रचंड गर्दीमुळे

गौतमी पाटीलच्या गाडीला पुण्यात अपघात, रिक्षाचालकासह ३ जखमी

पुणे: प्रसिद्ध नृत्यांगणा गौतमी पाटील हिच्या कारला पुण्यात भीषण अपघात झाला. पुणे-मुंबई-बंगळूरू राष्ट्रीय