मुरुड : दुर्गम ग्रामीण भागातील गरजू गरीब व आदिवासी गरोदर महिलांची होणारी गैरसोय लक्षात घेऊन मुरुडच्या ग्रामीण रुग्णालयात वैद्यकीय अधीक्षक डॉ.उषा चोले यांच्या मार्गदर्शनाखाली सिझेरियन शस्त्रक्रिया सुविधा उपलब्ध करून देण्यात आली आहे. शहरातील प्रसिद्ध स्त्रीरोगतज्ज्ञ डॉ.मंगेश पाटील, भूलतज्ञ डॉ. तुषार राजपूत यांचे सहकार्य या रुग्णालयास लाभले असून आत्तापर्यंत ३ सिझेरियन शस्त्रक्रिया यशस्वीरित्या करण्यात आल्या आहेत.
जिल्हा सामान्य रुग्णालय, अलिबाग-रायगड यांच्यामार्फत प्रसूती कक्ष अत्याधुनिक करण्यात आलेला आहे. याचा मागील वर्षी नोव्हेंबरमध्ये अलिबाग -मुरुड मतदार संघाचे आमदार महेंद्रशेठ दळवी व सामान्य रुग्णालयाचे जिल्हा शल्यचिकित्सक डॉ . अंबादास देवमाने मान्यवरांच्या हस्ते लोकार्पण सोहळा करण्यात आला होता.
या सुविधेबरोबरच गरोदर मातांना जाण्या-येण्यासाठी १०२ रुग्णवाहिका सेवा, मातांच्या दैनंदिन तपासण्या, लसीकरण, औषधोपचार, मोफत आहार, प्रधानमंत्री मातृ वंदना योजना, मातांची मोफत सोनोग्राफी यासारख्या सुविधा रुग्णालयात दिल्या जातात. त्यामुळे सदरच्या अत्याधुनिक प्रसुती कक्ष व इतर सोयी सुविधांचा लोकांनी जास्तीत जास्त लाभ घ्यावा. असे आवाहन वैद्यकीय अधीक्षक डॉ. उषा चोले यांनी केले आहे.
पंचांग आज मिती ज्येष्ठ कृष्ण अष्टमी शके १९४६. चंद्र नक्षत्र उत्तराभाद्रपदा. योग शोभन. चंद्र राशी…
ज्या अर्थसंकल्पाची महाराष्ट्रातील जनतेला उत्सुकता व आतुरता होती, तो अर्थसंकल्प राज्याचे उपमुख्यमंत्री व अर्थमंत्री अजित पवार…
रवींद्र तांबे केंद्रात सरकार स्थापन झाले की, सर्वांचे लक्ष लागलेले असते ते म्हणजे देशाच्या केंद्रीय…
हरीश बुटले, करिअर सल्लागार पेपरफुटी किंवा सॉल्व्हर गँग हे समाजकंटक आणि नतद्रष्ट लोकांचे काम आहे…
मुंबई: आंतरराष्ट्रीय क्रिकेट परिषदेने टी-२० वर्ल्डकप २०२४(t-20 world cup 2024) सुरू होण्याआधीच या स्पर्धेसाठी एकूण…
मुंबई: जिओ(jio) आणि एअरटेलने(airtel) आपल्या रिचार्ज प्लान्सच्या किंमतीत मोठी वाढ केली आहे. कंपन्यांनी आपले प्लान्स…