सोलापूर : सोलापूर जिल्ह्यातून एक धक्कादायक घटना समोर आली आहे. आजवर सोनं चांदी किंवा मौल्यवान वस्तूंची चोरी झाल्याचे प्रकार समोर आले आहेत. मात्र सोलापूरमध्ये चक्क मृतदेह चोरल्याचा धक्कादायक प्रकार घडला आहे. स्मशानभूमीत दफन केलेल्या १० महिन्यांच्या बाळाचा मृतदेह गायब झाला आहे. जादू टोण्याच्या प्रकारासाठी मृतदेह नेला असल्याची गावभरात चर्चा सुरु असल्याने परिसरात एकच खळबळ उडाली आहे.
मिळालेल्या माहितीनुसार, प्रियांश वाघमारे (१० महिने) असे मृत बाळाचे नाव आहे. प्रियांशला खेळताना दुखापत झाली होती. त्याला उपचारासाठी रुग्णालयात दाखल करण्यात आले होते. मात्र, उपचारादरम्यान १४ जून रोजी त्याचा मृत्यू झाला. कुटुंबियांनी त्याच्यावर मोदी स्मशानभूमीत अंत्यसंस्कार केले. आज रविवारी तिसऱ्या दिवसाचा विधी करण्यासाठी वाघमारे कुटुंबिय मोदी स्मशानभूमीत पोहचले. मात्र यावेळी त्यांना मृतदेह पुरलेल्या ठिकाणी एक खड्डा आढळून आला.
प्रियांशचा मृतदेह कुणीतरी उकरून नेला असावा, असा संशय वाघमारे कुटुंबियांना आला. त्यांनी तातडीने या घटनेची माहिती पोलिसांना दिली. स्मशानभूमीतून मृतदेह गायब झाल्याने परिसरात मोठी खळबळ उडाली आहे. जादू टोण्याच्या प्रकारासाठी कुणीतरी बाळाचा मृतदेह उकरून नेला असावा, अशी चर्चा परिसरात सुरू आहे.
दरम्यान, या विरोधात नातेवाईकांनी पोलिसात तक्रार केली आहे. सध्या पोलिसांकडून या घटनेचा कसून तपास केला जात आहे.
मुंबई: यंदाच्या वर्षी ३० एप्रिलला अक्षय्य तृतीयेचा मुहूर्त आहे. या दिवशी कोणतेही शुभ कार्य केले…
मुंबई(ज्ञानेश सावंत): दिल्लीचा संघ सध्या अव्वल तीन संघा मध्ये आहे व पहिल्या फेरीत दिल्लीने लखनऊ…
मुंबई: सध्या सगळीकडेच उष्णतेच्या लाटेने नागरिक त्रस्त आहेत. राज्यातही तापमानाचा पारा दिवसेंदिवस चांगलाच वाढत आहे.…
कोकणातून मुंबईकडे जाणाऱ्या रेल्वेगाड्या ठाण्यापर्यंत धावणार रत्नागिरी : मध्य रेल्वेवरील छत्रपती शिवाजी महाराज टर्मिनसवरील फलाटांच्या…
येत्या २ मे ते १२ जून २०२५ या कालावधीत भरणार हे वाचनालय महानगरपालिकेच्या विद्यार्थ्यांसमवेत खासगी…
चंद्रपूर : गेल्या आठवड्यापासून चंद्रपूर जिल्ह्याला तीव्र उन्हाचा तडाखा बसत असून दिनांक २१ ते २४…