मुंबई: इंडियन प्रीमियर लीगच्या १७व्या हंगामातील ६१व्या सामन्यात चेन्नई सुपर किंग्सने राजस्थान रॉयल्सला पाच विकेटनी हरवले. १२ मेला रविवारी चेन्नईच्या एमए चिदम्बरम स्टेडियममध्ये खेळवण्यात आलेल्या सामन्यात राजस्थान रॉयल्सने चेन्नईला विजयासाठी १४२ धावांचे आव्हान दिले होते.
चेन्नईने हे आव्हान १८.२ षटकांत पूर्ण केले. सीएसकेनचा या हंगामातील १३व्या सामन्यातील सातवा विजय आहे. ते पॉईंट्स टेबलमध्ये तिसऱ्या स्थानावर पोहोचले आहेत. दुसरीकडे राजस्थान रॉयल्सचा १२व्या सामन्यातील चौथा पराभव आहे.
चेन्नई सुपर किंग्ससाठी कर्णधार ऋतुराज गायकवाडने ४१ बॉलमध्ये ४२ धावांची नाबाद खेळी केली. यात दोन षटकारांसोबत एका चौकाराचा समावेश आहे. ऋतुराज चेपॉकच्या स्लो पिचवर शेवटपर्यंत टिकून राहिला आणि संघाला विजय मिळवून दिला. सलामीवीर रचिन रवींद्रनेही दोन षटकार आणि एका चौकाराच्या मदतीने १८ बॉलमध्ये २७ धावा केल्या. राजस्थानसाठी आर अश्विनने सर्वाधिक दोन विकेट घेतल्या. तर युझवेंद्र चहल आणि नांद्रे बर्गर यांना प्रत्येकी एक विकेट मिळाला.
टॉस जिंकत पहिल्यांदा फलंदाजी करताना राजस्थान रॉयल्सने ५ बाद १४१ धावा केल्या. राजस्थान रॉयल्ससाठी रियान परागने ३५ बॉलमध्ये नाबाद ४७ धावांची खेळी केली. रियानने आपल्या खेळीत तीन षटकारांशिवाय एक चौकार लगावला. ध्रुव जुरेलने २ षटकार आणि एका चौकाराच्या मदतीने १८ बॉलमध्ये २८ धावांची खेळी केली. सीएसकेसाठी सिमरजीत सिंहने सर्वाधिक तीन विकेट घेतल्या.
मुंबई : आपण अनेक चित्रपटांची गाणी ऐकली आणि बघितली असतील. भारतीय चित्रपटात गाणी नसतील तर…
मुंबई : छत्रपती शिवाजी महाराज आंतरराष्ट्रीय विमानतळावरून प्रवास करणाऱ्या प्रवाशांसाठी महत्त्वाची बातमी समोर आली आहे.…
मुंबई(ज्ञानेश सावंत):सुरवातीच्या सामन्यात चेन्नईने मुंबईला फिरकीच्या जोरावर पराभवाचे पाणी पाजले. परंतु तो सामना चेन्नईच्या घरच्या…
पूजा काळे सृष्टीचे तत्त्व सांभाळा, नेहमीची येतो उन्हाळा. वर्षभरात तीन ऋतूंच्या तीन तऱ्हा सांभाळताना होणारा…
पुणे : काँग्रेस पक्षाने महाराष्ट्रात अध्यक्ष बदलला आहे. हर्षवर्धन सपकाळ महाराष्ट्र काँग्रेसचे अध्यक्ष झाले आहेत.…
डॉ. वीणा सानेकर भाषा हा शिक्षणातील पायाभूत घटक आहे. ती माणसाच्या अस्तित्वाची ओळख असल्यामुळे शिक्षणातील…