Monday, July 22, 2024
Homeदेशश्रीरामांचे दर्शन, २ किमीचा रोड शो, रविवारी अयोध्येला जाणार पंतप्रधान मोदी

श्रीरामांचे दर्शन, २ किमीचा रोड शो, रविवारी अयोध्येला जाणार पंतप्रधान मोदी

नवी दिल्ली: लोकसभा निवडणुकीच्या (loksabha election 2024) तिसऱ्या टप्प्यातील मतदान ७ मेला होत आहे. याआधी रविवारी पंतप्रधान नरेंद्र मोदी अयोध्येत जातील. अयोध्येत ते आधी श्रीरामांचे दर्शन घेतील. त्यानंतर रोड शो करतील. याआधी त्यांनी महर्षी वाल्मिकी आंतरराष्ट्रीय एअरपोर्टच्या लोकार्पणादरम्यान अयोध्येत रोड शो केला होता. लोकसभा निवडणूक २०२४च्या दरम्यान पंतप्रधान पहिल्यांदा अयोध्येत जात आहेत.

पंतप्रधान मोदी सध्या लोकसभा निवडणुकीसाठी जोरदार प्रचारसभा घेत आहेत. ते दररोज देशाच्या विविध भागांमध्ये जाऊन रोड शो तसेच सभा घेत आहेत. यातच रविवारी ५ मेला ते अयोध्येला पोहोचत आहेत. खरंतर ते अयोध्येला निवडणुकीच्या प्रचाराला जात आहेत मात्र आपल्या कार्यक्रमाआधी ते राम मंदिरात भगवान रामांचे दर्शन घेतील.

भाजपचे उमेदवार लल्लू सिंह यांच्या समर्थनार्थ करणार रोड शो

अयोध्या पोहोचल्यावर पंतप्रधान मोदी राम मंदिरात पुजा-अर्चा करतील. तेथून फैजाबाद लोकसभा मतदारसंघाचे उमेदवार लल्लू सिंह यांच्या समर्थनार्थ रोड शो करतील. पंतप्रधान मोदी रविवारी दुपारी ३ वाजता इटावा येथे पोहोचतील. तेथे सार्वजनिक सभा घेतील. संध्याकाळी ५ वाजण्याच्या सुमाासा पीएम धौरहरा लोकसभा मतदारसंघासाठी रवाना होतील. तेथे एक सार्वजनिक सभा घेतील.

यानंतर पंतप्रधान मोदी अयोध्येत पोहोचतील आणि संध्याकाळी ७ वाजता राम मंदिरात भगवान रामांचे दर्शन घेतील. अयोध्येत पंतप्रधान मोदी साधारण २ किमीचा लांब रोड शो करतील. अयोध्येत पाचव्या टप्प्यासाठी २० मेला मतदान होत आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -