मुंबई : देशात लोकसभा निवडणुकीच्या पहिल्या टप्प्यासाठी आजपासून मतदानाला सुरुवात झाली आहे. निवडणुकीच्या पार्श्वभूमीवर एअर इंडिया एक्सप्रेसने मतदानाचा प्रचार करण्यासाठी नवीन मोहिम सुरु केली आहे. एअरलाइनकडून प्रथमच मतदारांसाठी तिकिटांवर विशेष सवलत मिळणार आहे. जे लोक पहिल्यांदा मतदान करण्यासाठी त्यांच्या घरी जात आहेत त्यांना विमान तिकिटावर १९ टक्क्यांपर्यंत सूट मिळणार आहे.
लोकांना मतदानाबाबत जागरूक करण्यासाठी एअर इंडिया एक्सप्रेसने #VoteAsYouAre मोहीम सुरू करण्याची घोषणा केली आहे. या मोहिमेअंतर्गत, एअरलाइन्स प्रथमच मताधिकाराचा वापर करणाऱ्या १८ ते २२ वर्षे वयोगटातील तरुणांना विशेष सवलत देत आहे. मतदाराला संबंधित मतदारसंघाच्या जवळच्या विमानतळावर जाण्यासाठी ही सूट मिळेल. १८ एप्रिल ते १ जून २०२४ या कालावधीत ही सूट उपलब्ध असेल. सवलतीच्या तिकिटांचे बुकिंग एअरलाइनचे मोबाइल ॲप आणि वेबसाइट https://www.airindiaexpress.com द्वारे केले जाऊ शकते, असे कंपनीने म्हटले आहे.
एअर इंडिया एक्स्प्रेसचे सीईओ अंकुर गर्ग म्हणतात की, एअर इंडिया एक्सप्रेसने नेहमीच समाजातील बदलासाठी काम केले आहे. कंपनी १९ व्या वर्धापन दिनाच्या तयारीत आहे. अशा वातावरणात कंपनीने आपला खास उपक्रम सुरू केला आहे.
ऑफरसाठी मतदार ओळखपत्र दाखवणे
एअर इंडिया एक्सप्रेसच्या या ऑफरचा लाभ घेण्यासाठी, ग्राउंड स्टाफला तुमचे मतदार ओळखपत्र दाखवणे आवश्यक आहे. विमानतळावर बोर्डिंग पास घेताना ग्राहकांना त्यांचे मतदार ओळखपत्र दाखवावे लागेल.
पुणे : शिवनेरी किल्ल्यावर पुन्हा एकदा पर्यटकांवर मधमाशांनी हल्लाबोल केला आहे. या हल्ल्यात १६ जण…
व्हॅटिकन सिटी : रोमन कॅथलिक चर्चचे २६६ वे सर्वोच्च धर्मगुरु पोप फ्रान्सिस यांचे सोमवारी ८८…
महिलांना त्यांच्या पायांचे सौंदर्य वाढवण्यासाठी अँकलेट परिधान करायला फार आवडते. विवाहित महिलांसोबतच अविवाहित मुलींनाही अँकलेट…
मुंबई : लव रंजन आणि अंकुर गर्ग यांच्या लव फिल्म्सने ‘देवमाणूस’मधून मराठी सिनेसृष्टीत पदार्पण केले…
बंगळुरू : कर्नाटकचे माजी पोलीस महासंचालक अर्थात माजी डीजीपी ओम प्रकाश यांची राहत्या घरातच हत्या…
मुंबई : कोणे एके काळी राष्ट्रपती पुरस्कार विजेता ठरलेला पोलीस अधिकारी आता जन्मठेपेची शिक्षा भोगणार…