मुंबई : सायबर सिक्युरिटी फर्म ब्रँडशील्डने GLP-1 प्रवर्गातील वजन-कमी करणाऱ्या आणि मधुमेहावरील बनावट औषधे विकणाऱ्या २५० हून अधिक वेबसाइट्स हटवल्या आहेत. अशी माहिती कंपनीचे सीईओ योव केरेन यांनी सांगितले. ब्रँडशील्डने रॉयटर्सला दिलेल्या माहितीनुसार गेल्या वर्षी चयापचय स्थितींवर उपचारांसाठी औषधांची विक्री करणाऱ्या २७९ फार्मसी वेबसाइट्सवर बंदी घातली होती. त्यापैकी ९० टक्क्यांपेक्षा अधिक वेबसाइट्स GLP-1 औषधांशी संबंधित होत्या.
कंपनीचे सीईओ योआन केरेन म्हणाले की, सोशल मीडिया प्लॅटफॉर्मवर विकली जाणारी ६,९०० हून अधिक बनावट औषधे हटवण्यात आली आहेत. यामध्ये भारतातील ९९२, इंडोनेशियातील ५४४, चीनमधील ३६४ आणि ब्राझीलमधील ११४ औषधांचा समावेश आहे. बेल्जियम, स्वित्झर्लंड, युनायटेड किंगडम आणि युनायटेड स्टेट्ससह किमान नऊ देशांमध्ये ओझेम्पिक आणि GLP-1 च्या इतर बनावट औषधांमुळे घातक परिणाम नोंदवले गेले आहेत, या औषधांद्वारे कंपन्या लठ्ठपणा कमी करण्याचा दावा करतात.
GLP-1 म्हणजेच Glucagon-like peptide-1 (ग्लुकागन सारखी पेप्टाइड-१) हा अमिनो ऍसिडवर आधारित पेप्टाइड संप्रेरक आहे, जो विशिष्ट न्यूरॉन्सच्या वतीने मेंदूला संदेश पाठवतो आणि भूक नियंत्रित करतो. नोवो नवीन नॉर्डिस्क (Novo Nordisk) चे (ओझेंपिक) Ozempic आणि Wegovy व Eli Lilly चे मुंजारो (Mounjaro) आणि झेपबाउंड (Zepbound) ही GLP-1 औषधे आहेत, जी टाइप २ मधुमेहासाठी विकसित केली गेली आहेत. तसेच यामुळे भूक कमी आणि पोट अधिक हळू रिकामे होते.
ही औषधे रुग्णांना त्यांचे वजन सरासरी २० टक्के कमी करण्यास मदत करतात. त्यामुळे या औषधांची मागणी मोठ्या प्रमाणात वाढली आहे. परिणामी बनावट औषधांचा सुळसुळाट झाला आहे. बेल्जियम, ब्रिटन, स्वित्झर्लंड आणि युनायटेड स्टेट्ससह किमान नऊ देशांमध्ये ओझेम्पिक आणि इतर GLP-1 च्या बनावट औषधांमुळे झालेल्या प्रतिकूल परिणामांची प्रकरणे नोंदवली गेली आहेत.
नवी दिल्ली: पंतप्रधान नरेंद्र मोदी हे रशियाची राजधानी मॉस्को येथे पोहोचले आहेत. राष्ट्रपती व्लादीमीर पुतिन…
मुसळधार पावसाचा पालघरमध्ये पहिला बळी पालघर : मुंबई, ठाण्यासह उपनगरीय भागात काल रात्रभर जोरदार पाऊस…
मुंबई : कांदिवली पश्चिमेकडील पोयसर नदीवर बसवण्यात आलेल्या सक्शन पंपाचे पाईप फुटल्याने आज कांदिवलीत मोठ्या…
मुंबई मनपा, पोलीस प्रशासन आणि आपत्कालीन यंत्रणेला सहकार्य करा : एकनाथ शिंदे अजित पवार यांनीही…
हार्बर रेल्वे तसेच मेल एक्स्प्रेस रद्द झाल्याने अडकलेल्या प्रवाशांच्या सोयीसाठी बससेवा मुंबई : मुंबईत काल…
मुसळधार पावसामुळे घडली दुर्दैवी घटना मुंबई : मुंबईसह ठाणे आणि उपनगरांत काल रात्रीपासून मुसळधार पाऊन…