Ashish Shelar : अग्गोबाईऽऽ ढग्गोबाईऽऽ लागली कळ, मातोश्रीच्या युवराजांची केवढी वळवळ!

  92

आशिष शेलार यांची बालकवितेतून उबाठावर बोचरी टीका


मुंबई : लोकसभा निवडणुकीच्या (Loksabha Election) पार्श्वभूमीवर सत्ताधारी व विरोधी पक्षांमध्ये आरोप-प्रत्यारोपांच्या फैरी झडत आहेत. एकमेकांना टोले लगावण्याची संधी राजकीय नेते (Political Leaders) सोडत नाहीत. त्यातच भाजपचे मुंबई प्रदेशाध्यक्ष आशिष शेलार (Ashish Shelar) यांनी आपल्या एक्स अकाऊंटवरुन (X Account) 'अग्गोबाई ऽऽ ढग्गोबाई ऽऽ 'नावाची एक बालकविता पोस्ट करत उबाठा गट (Thackeray Group) व विशेषतः आदित्य ठाकरेंवर (Aditya Thackeray) निशाणा साधला आहे.


आशिष शेलारांनी 'अग्गोबाई ऽऽ ढग्गोबाई ऽऽ ' या कवितेत उबाठाच्या हिंदूद्वेषाचा उल्लेख केला आहे. याकुबच्या कबरीला साज चढवणाऱ्यांमध्ये हिंदूद्वेषाचा उद्रेक झाला आहे, असं त्यांनी म्हटलं आहे. मुख्यमंत्री एकनाथ शिंदे यांच्या नेतृत्वाखालील शिवसेनेला सतत गद्दार गद्दार म्हणत हे बालिश ढोल बडवत असतात, अशी टीकाही शेलारांनी केली आहे. या सगळ्यात आदित्य ठाकरे यांच्या दारुपार्ट्या चुकतायत, उरलेला गट हे भरलेल्या तलावाप्रमाणे दाखवतायत, असा टोलाही आशिष शेलारांनी कवितेच्या माध्यमातून लगावला आहे.


कवी संदीप खरे यांच्या 'अग्गोबाई ऽऽ ढग्गोबाई ऽऽ ' या कवितेप्रमाणे ही कविता लिहिण्यात आली आहे. त्यामुळे आशिष शेलारांनी तळटीप लिहून संदीप खरे यांची क्षमा मागितली आहे. शेलारांची कविता वाचा जशीच्या तशी :


अग्गोबाई ऽऽ ढग्गोबाई ऽऽ लागली कळ,
मातोश्रीच्या युवराजांची केवढी वळवळ,
थोडी थोडी न थोडकी लागली फार,
याकूबच्या कबरीला साज आणि
हिंदू द्वेषाचा विखार...!


अग्गोबाई ऽऽ ढग्गोबाई ऽऽ ..!


शाखा शाखा गरागरा फिर फिर फिरे
गद्दार.. गद्दार.. बालिश ढोल बडवे
युवराजांची स्वारी बाई तोऱ्यामध्ये खडी
पेग, पेग्विन पार्टीची चुकतेय छम छम घडी!
बुडणाऱ्या बेडकांची या बडबड फार !
इवल्याशा गटाचा हा भरुन तलाव
साबु-बिबु नको..
थोडा मुंबईच्या मातीचा टिळा कपाळी लगाव!


अग्गोबाई ऽऽ ढग्गोबाई ऽऽ !




Comments
Add Comment

जरांगे आरक्षण मिळेपर्यंत पाणी पण बंद करणार

मुंबई : ओबीसी कोट्यातून सरसकट मराठा समाजाला आरक्षण मिळावे अशी मागणी करत मनोज जरांगेंच्या नेतृत्वात त्यांचे

मराठा आरक्षणसाठी युवकाची आत्महत्या

मुंबई : मराठा आरक्षणासाठी मुंबईतील आझाद मैदानात मनोज जरांगेंनी बेमुदत उपोषण सुरू केले आहे. तर त्यांच्यासोबत

गेटवे-मांडवा फेरीबोटीला हवामानाचा अडथळा

प्रवाशांना जलवाहतुकीची प्रतीक्षा मुंबई : सध्या सर्वत्र मुसळधार पाऊस पडत आहे. समुद्रातील लाटांचीही उंची कमी

Pitru Paksh 2025: पितृ पक्षात पूर्वज कोणत्या रूपात आशीर्वाद देतात?

मुंबई : पितृ पक्षात आपल्या पूर्वजांना श्रद्धांजली अर्पण करण्याची हिंदू परंपरा आहे. असे मानले जाते की या काळात

Gauri poojan: वाजत गाजत होणार आज गौराईचे आगमन, सर्वत्र उत्साह

मुंबई : गणेशोत्सवाच्या धामधुमीत ज्येष्ठा गौरींचे आज आगमन होत आहे. यामुळे कोकणासह संपूर्ण महाराष्ट्रात

मनोज जरांगे-पाटील यांच्या आंदोलनाचा तिसरा दिवस, आझाद मैदानावर लाखोंचा एल्गार कायम

मुंबई: मराठा आरक्षणासाठी मनोज जरांगे-पाटील यांनी मुंबईतील आझाद मैदानावर सुरू केलेल्या उपोषणाचा आज तिसरा दिवस