Haryana Politics : लोकसभेआधी हरियाणात राजकीय नाटय! मुख्यमंत्र्यांनी दिला राजीनामा

जेजीपीशी असलेली युती भाजपने तोडली


चंदीगड : लोकसभा निवडणुकीसाठी (Loksabha Elections) सर्व राजकीय पक्ष (Political Parties) चर्चा, बैठका, दौरे करत असताना हरियाणामध्ये एका मोठ्या राजकीय नाट्याने (Haryana Politics) खळबळ उडवली आहे. हरियाणात भाजप-जेजेपी (BJP-JJP) युती तुटली आहे. चंदीगडमध्ये भाजप विधिमंडळ पक्षाच्या बैठकीनंतर मुख्यमंत्री मनोहरलाल खट्टर (Manohar lal Khattar) आपल्या मंत्रिमंडळासह राजभवनात पोहोचले आणि त्यांनी संपूर्ण मंत्रिमंडळाचा राजीनामा (Resignation) राज्यपालांकडे सुपूर्द केला. आज दुपारी एक वाजता नव्या मुख्यमंत्र्यांचा शपथविधी होणार आहे, अशी माहिती समोर आली आहे.


हरियाणाच्या विधानसभेत एकूण ९० आमदार असल्याने बहुमतासाठी ४६ मतांची गरज असते. भाजपाकडे ४१ आमदार होते व त्यांच्यासह जननायक जनता पार्टी (JJP) या दुष्यंत चौटाला यांच्या पक्षाचे १० आमदार निवडून आले होते. त्यांनी भाजपाला पाठिंबा दिला आणि युती केली. हरियाणा नॅशनल लोकदल पार्टी या एकमेव आमदार असलेल्या पार्टीनेदेखील भाजपाला पाठिंबा दिला. यासह सात अपक्ष आमदारांचाही भाजपाला पाठिंबा होता. अशा प्रकारे बहुमताचं सरकार होतं.


मात्र जेजेपीने लोकसभेसाठी आपल्याला काही जागा मिळाव्यात अशी मागणी भाजपाकडे केली. भाजपाने ती मागणी मान्य केली नाही. त्यानंतर दुष्यंत चौटाला यांनी त्यांच्या आमदारांची दिल्लीत बैठक बोलावली होती. मात्र, त्यांच्याच पक्षाचे अनेक आमदार बैठकीला उपस्थित राहिले नाहीत. दरम्यानच्या काळात, आज सकाळी भाजपनेच थेट आपल्या सरकारचा राजीनामा दिला आहे.


या राजकीय नाट्यानंतर आजच हरियाणामध्ये नव्या मुख्यमंत्र्यांचा शपथविधी होणार आहे. मनोहरलाल खट्टर यांनाच पुन्हा मुख्यमंत्री पद दिलं जाणार का, हा एक मोठा प्रश्न आहे. भाजप-जेजेपी युती तुटली तरीदेखील त्याचा भाजपवरती मोठा परिणाम होणार नसल्याचे दिसून येत आहे. याचे कारण म्हणजे भाजपचे ४१ आमदार असून ७ अपक्षही त्यांच्या समर्थनात आहेत. दरम्यान, हलोपाचे आमदार गोपाल कांडा यांनीही भाजपला पाठिंबा दिला आहे. त्यामुळे भाजपला बहुमताच्या आकड्यापेक्षा जास्त जागा मिळत आहेत.


Comments
Add Comment

पूनम पांडे होणार मंदोदरी, दिल्लीत रामलीला सुरू होण्याआधी भडकलं महाभारत

नवी दिल्ली : देशात ठिकठिकाणी रामलीला कार्यक्रम सोमवार २२ सप्टेंबरच्या संध्याकाळपासून सुरू होत आहे. पण हा

जीएसटी दर कपातीत सुमारे ३७५ वस्तू होणार स्वस्त

मुंबई : जीएसटी दर कपातीनंतर आता स्वयंपाकघरातील वस्तूंसोबत इलेक्ट्रॉनिक्स, औषधे, उपकरणे आणि वाहनांपर्यंत सुमारे

'घटस्थापनेच्या दिवसापासून सुरू होणार GST उत्सव'

नवी दिल्ली : घटस्थापनेच्या दिवसापासून अर्थात सोमवार २२ सप्टेंबर २०२५ पासून देशात GST उत्सव सुरू होत आहे. यामुळे

घटस्थापनेच्या दिवशी पंतप्रधान मोदी अरुणाचल प्रदेशचा दौरा करणार

नवी दिल्ली : घटस्थापनेच्या दिवशी अर्थात सोमवारी २२ सप्टेंबर २०२५ रोजी पंतप्रधान नरेंद्र मोदी अरुणाचल प्रदेश

PM Modi Address to Nation: पंतप्रधान मोदी आज करणार महत्वपूर्ण घोषणा

नवी दिल्ली: पंतप्रधान नरेंद्र मोदी आज संध्याकाळी ५.०० वाजता देशाला संबोधित करणार आहेत. यात ते अनेक महत्वपूर्ण

अमूलने ७०० हून अधिक उत्पादनांचे दर कमी केले, २२ सप्टेंबरपासून नवीन किंमती लागू

नवी दिल्ली: अमूल (Amul) या लोकप्रिय ब्रँडची मार्केटिंग करणारी कंपनी गुजरात कोऑपरेटिव्ह मिल्क मार्केटिंग फेडरेशन (GCMMF)