मुंबई : भाजप आमदार नितेश राणे (Nitesh Rane) यांनी शिवसेना आमदार सुधाकर बडगुजर (Sudhakar Badgujar) यांचा देशद्रोही सलीम कुत्तासोबत (Salim Kutta) नाचतानाचा व्हिडीओ दाखवल्यामुळे राजकारण चांगलंच तापलं होतं. यात ही पार्टी भाजपच्या पदाधिकार्‍यानेच बोलावली होती, असा दावा ठाकरे गटाचे खासदार संजय राऊत (Sanjay Raut) यांनी केला. यावर ‘सतत देशी दारु घेतल्यानंतर डोक्यावर काय परिणाम होतो याचं उत्तम उदाहरण म्हणजे संजय राजाराम राऊतची सकाळची प्रेस’, असा सणसणीत टोला आमदार नितेश राणे यांनी लगावला.
नितेश राणे म्हणाले, बाजूला उभ्या असलेल्या बडगुजरला आणखी खड्ड्यात टाकण्याचं काम संजय राजाराम राऊतने केलं आहे. आतापर्यंत बडगुजर बोलत होते की मी सलीम कुत्ताला ओळखतच नाही, मी त्या पार्टीमध्ये गेलोच नाही, ते फोटोग्राफ बदललेले आहेत. पण काल रात्री तर संजय राऊतने सांगून टाकलं की तो एक अपघात होता. म्हणजे अप्रत्यक्ष पद्धतीने स्विकारलं की ती पार्टी झाली होती, असा दावा नितेश राणे यांनी केला.
पुढे ते म्हणाले, संजय राऊत भाजपच्या पदाधिकार्‍याचा मोठेपणा करत फोटोग्राफ दाखवत होता. पण त्याने एक तरी पुरावा द्यावा, बिनपुराव्याने भुंकण्याचं काम तर तो नेहमीच करतो. आम्ही पुरावा दिला, व्हिडीओ दाखवले आणि त्यानंतर आरोप केले. आता ती पार्टी भाजपच्या पदाधिकार्‍याने बोलावली होती हे फोटोग्राफ दाखवून सिद्ध होणार नाही. मग तुझेही एका डॉक्टर महिलेसोबतचे फोटो आम्ही दाखवायचे का? तुझे आणि तिचे काय संबंध आहेत याबद्दल वेगळी माहिती देण्याचे प्रयत्न करायचे का? अशी टीका नितेश राणे यांनी केली.
नितेश राणे म्हणाले, तुझे फोटोग्राफ दाखवण्याअगोदर बडगुजरच्या मागचा गॉडफादर कोण हे तू आजच्या पत्रकार परिषदेत दाखवून दिलं आहेस. गृहराज्यमंत्री पद शिवसेनेकडे कधीच नव्हतं म्हणून थोडं शुद्धीत राहून इतिहास तपास म्हणजे गृहमंत्रीपद कोणाकडे कधी होतं हे तुला नक्की कळेल. ‘सुधाकर बडगुजर तो सिर्फ झाँकी है, संजय राऊत का अंदर जाना अभी बाकी है’ असं जळजळीत विधान नितेश राणे यांनी केलं.
येत्या २ मे ते १२ जून २०२५ या कालावधीत भरणार हे वाचनालय महानगरपालिकेच्या विद्यार्थ्यांसमवेत खासगी…
चंद्रपूर : गेल्या आठवड्यापासून चंद्रपूर जिल्ह्याला तीव्र उन्हाचा तडाखा बसत असून दिनांक २१ ते २४…
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…
२४ एप्रिलला एकनाथ शिंदे यांची शक्तिप्रदर्शन सभा! सिंधुदुर्ग : राज्याचे उपमुख्यमंत्री आणि शिवसेना पक्षप्रमुख एकनाथ…
माजी नगरसेवक राकेश कांदे यांचा वैभव नाईकांना थेट इशारा सिंधुदुर्ग : चेंदवण येथील सिद्धिविनायक उर्फ…
लहान नाल्यातील गाळ काढण्यापूर्वीचे आणि नंतरचे सीसीटीव्हीद्वारे चित्रीकरण मुंबई (खास प्रतिनिधी): पावसाळापूर्व कामांचा भाग म्हणून…