मुंबई : चेंबुर (Chembur) परिसरात जुनी बॅरॅक गोल्फ क्लबजवळ असलेल्या एका दुमजली घरांच्या चाळीत गॅस सिलिंडरचा (Gas Cylinder) मोठा स्फोट झाला. त्यामुळे घर कोसळल्याची घटना घडली.
चाळीतील सलग चौथ्या आणि पाचव्या क्रमांकाच्या घरात हा स्फोट झाला. सुदैवाने या घटनेत कोणतीही जीवितहानी झालेली नाही. मात्र ४ जण गंभीर जखमी झाले आहेत. त्यांना जवळच्या रुग्णालयात उपचारासाठी दाखल केले आहे.
दरम्यान या घटनेची माहिती मिळताच पोलिसांसह अग्निशमन दलाच्या गाड्या घटनास्थळी दाखल झाल्या. तसेच बचाव पथकही घटनास्थळी दाखल झाले. या घटनेमध्ये पहिल्या मजल्यावरून ११ जणांची सुखरूप सुटका करण्यात आली आहे.