Main Atal hoon : बहुचर्चित 'मैं अटल हूँ' चित्रपटाच्या प्रदर्शनाची तारीख जाहीर!

  215

पंकज त्रिपाठी यांनी शेअर केले नवे पोस्टर


मुंबई : नव्या भारताचं स्वप्न बाळगणारे भारताचे माजी पंतप्रधान आणि एक उत्तम कवी अटलबिहारी वाजपेयी (Atal Bihari Vajpayee) यांच्या जीवनावर आधारित चित्रपटाची गेल्या अनेक दिवसांपासून चर्चा आहे. यातील अटलजींची भूमिका साकारणारा हरहुन्नरी अभिनेता पंकज त्रिपाठी (Pankaj Tripathi) हा सगळ्यांचाच आवडता अभिनेता आहे. अटलजींच्या वेशातला त्याचा पहिला लूक समोर आल्यापासून या चित्रपटाची जोरदार चर्चा रंगली होती. आनंदाची बाब म्हणजे आता या चित्रपटाच्या प्रदर्शनाची तारीख समोर आली आहे.


'मैं अटल हूँ' (Main Atal hoon) असं या चित्रपटाचं नाव आहे. अटलबिहारी वाजपेयी हे भाजपकडून निवडून आलेले देशाचे पहिले पंतप्रधान होते. आपल्या कार्यकाळात त्यांनी भारताला विकसित करण्याच्या दृष्टीने अनेक कामे केली आणि भारतीयांच्या मनात एक आदराचे स्थान मिळवले. त्यांची हीच कारकीर्द 'मैं अटल हूँ' या चित्रपटातून प्रेक्षकांसमोर मांडण्यात येणार आहे.


पंकज त्रिपाठी यांनी सोशल मीडियावर 'मैं अटल हूँ' या सिनेमाचं एक पोस्टर शेअर केलं आहे. या पोस्टरमध्ये ते अटल बिहारी वाजपेयी यांच्या भूमिकेत पाठमोरे उभे असलेले दिसत आहेत. पोस्टखाली त्यांनी लिहिलं आहे,"एक कवी ज्यांनी इतिहास पुन्हा लिहिला". 'मैं अटल हूँ' हा सिनेमा १९ जानेवारी २०२४ रोजी सिनेमागृहात प्रदर्शित होणार आहे. या पोस्टरवर 'हार्ट ऑफ स्टोन...मॅन ऑफ स्टील' असं लिहिलं आहे.


'मैं अटल हूँ' या चित्रपटाच्या दिग्दर्शनाची धुरा प्रसिद्ध दिग्दर्शक रवी जाधव (Ravi Jadhav) याने सांभाळली आहे. तर या सिनेमाचं कथानक ऋषी विरमानी आणि रवी जाधव यांनी लिहिलं आहे. भानुशाली स्टुडिओ लिमिटेड आणि लीजेंड स्टुडिओच्या बॅनरअंतर्गत विनोद भानुशाली, संदीप सिंह आणि कमलेश भानुशाली यांनी या सिनेमाची निर्मिती केली आहे. या सिनेमाची प्रेक्षक आतुरतेने वाट पाहत आहेत.

Comments
Add Comment

शेतकऱ्यांचे नुकसान होऊ देणार नाही- पंतप्रधानांची ग्वाही, अमेरिकेच्या ५० टक्के टॅरिफवर व्यक्त केला वज्र निर्धार

अहमदाबाद : शेतकरी, लघु उद्योजक आणि पशुपालकांचे हित हेच माझ्यासाठी सर्वोच्च असल्याचे आश्वासन पंतप्रधान नरेंद्र

पंतप्रधान मोदींची पदवी सार्वजनिक करण्याचे आदेश दिल्ली हायकोर्टाने केले रद्द

नवी दिल्ली : पंतप्रधान नरेंद्र मोदी यांची पदवीची माहिती सार्वजनिक करण्याचे केंद्रीय माहिती आयोगाने (सीआयसी)

भटक्या कुत्र्याचा पाच वर्षांच्या मुलावर हल्ला

नवी दिल्ली : दिल्लीच्या शकरपूर भागात भटक्या कुत्र्याने पाच वर्षांच्या मुलावर हल्ला केला. या हल्ल्यात मुलगा

जैसलमेरमध्ये खोदकामात आढळले २०१ दशलक्ष वर्षांपूर्वीच्या फायटोसॉरचे जीवाश्म

जैसलमेर: राजस्थानमधील एका गावात तलावाजवळ डायनासॉर काळातील जीवाश्म सापडले असल्याची चर्चा काही दिवसांपासून सुरू

संघाची जोधपूरमध्ये ५ ते ७ सप्टेंबरदरम्यान बैठक

नवी दिल्ली : राष्ट्रीय स्वयंसेवक संघाची वार्षिक अखिल भारतीय समन्वय बैठक यंदा ५ ते ७ सप्टेंबर या कालावधीत

हैदराबादमध्ये क्रौर्याचा कळस! पतीने गर्भवती पत्नीची हत्या करून मृतदेहाचे केले तुकडे

हैदराबाद: तेलंगणाची राजधानी हैदराबादमध्ये एका अत्यंत धक्कादायक घटनेने सगळ्यांनाच हादरवून सोडले आहे. एका पतीने