Nepal Earthquake: नेपाळमध्ये सकाळी सकाळी भूकंपाने हादरली जमीन, ४.५ रिश्टर स्केल तीव्रतेचे भूकंपाचे झटके

  88

काठमांडू: नेपाळच्या(nepal) मकवानपूर जिल्ह्यातील चितलांगमध्ये ४.५ रिश्टर स्केल तीव्रतेचे भूकंपाचे झटके(earthquake) जाणवले. नेपाळ भूकंप विज्ञान केंद्रानुसार भूकंपाचे झटके गुरूवारी सकाळी सकाळी जाणवले. दरम्यान, यामुळे आतापर्यंत कोणतेही मोठे नुकसान झाल्याची माहिती मिळालेली नाही. नेपाळमध्ये याच महिन्याच्या सुरूवातीला ३ नोव्हेंबरला ६.४ रिश्टर स्केल तीव्रतेचे भूकंपाचे धकके बसले होते. यातून नेपाळ सावरण्याचा प्रयत्न करत आहे.


नेपाळमध्ये जाणवलेल्या ६.४ रिश्टर स्केल तीव्रतेच्या भूकंपामुळे मोठ्या प्रमाणात जिवितहानी तसेच वित्तहानी झाली होती. या भूकंपात तब्बल १५७ लोकांना आपला जीव गमवावा लागला होता तर हजारोंच्या संख्येने जखमीही झाले होते.



भारताने पाठवली नेपाळला मदत


नेपाळमध्ये नुकतेच भूकंपाचे जोरदार झटके जाणवले होते. यामुळे तेथील प्रचंड मोठे नुकसान झाले. गेल्या ३ नोव्हेंबरला नेपाळच्या जाजरकोटमध्ये जाणवलेल्या भूकंपाच्या झटक्यामध्ये ८ हजाराहून अधिक घरे कोसळली होती. त्या दरम्यान भारताने भूकंपप्रभावित लोकांसाठी आपातकालीन मदत पाठवली होती. यात मेडिकल उपकरणे, महत्त्वाचे सामान आणि बरंच काही सामील होते.



२०१५मध्ये आला होता भूकंप


नेपाळच्या इतिहासात आतापर्यंत सर्वात भयानक भूकंपाचे झटके २०१५मध्ये जाणवले होते. या दरम्यान ८ हजाराहून अधिक जणांचां मृत्यू झाला होता. तेव्हा भूकंपाची तीव्रता ७.८ आणि ८.१ इतकी होती. हे भूकंपाचे झटके २५ एप्रिल २०१५ला सकाळी स्थानिक वेळेनुसार ११ वाजून ५६ मिनिटांनी जाणवले.यावेळेस अनेक ऐतिहासिक मंदिरे तसेच इमारती पूर्णपणे कोसळल्या होत्या.

Comments
Add Comment

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात

गाझा पट्टीत इस्रायलचे सैनिक, गाझा ताब्यात घेणार

गाझा : इस्रायलच्या सैन्य तुकड्या गाझा पट्टीत घुसू लागल्या आहेत. शक्य तितक्या लवकर संपूर्ण गाझा पट्टी ताब्यात