बंगळुरू: विश्वचषक २०२३मध्ये(world cup 2023) आजचा सामना अतिशय खास असणार आहे. सेमीफायनलमध्ये चौथा संघ कोणता असणार आहे याचे थोडेफार चित्र आज स्पष्ट होऊ शकते. जर न्यूझीलंडच्या संघाला श्रीलंकेविरुद्ध मोठ्या फरकाने विजय मिळवण्यात यश मिळाले तर त्यांचे सेमीफायनलमध्ये खेळणे निश्चित होऊ शकते. दरम्यान, थोड्याशा फरकाने विजय अथवा पराभव त्यांना सेमीफायनलमधून बाहेर ढकलू शकतात. अशातच न्यूझीलंडचा संघ श्रीलंकेविरुद्ध मोठ्या फरकाने विजय मिळवण्याच्या इराद्याने मैदानात उतरेल.
दुसरीकडे श्रीलंकेसाठीही हा सामना अतिशय महत्त्वाचा आहे. श्रीलंकेचा संघ सेमीफायनलच्या शर्यतीतून बाहेर गेला आहे. मात्र त्यांना चॅम्पियन्स ट्रॉफी २०२५साठी पात्र ठरायचे असेल तर पॉईंट्स टेबलमध्ये टॉप ८ मध्ये राहणे गरजेचे आहे. जर तुम्ही असे करू शकत नाही तर त्यांच्या हातून चॅम्पियन्स ट्रॉफीचे तिकीट निघून जाईल. टॉप ८मध्ये येण्यासाठी त्यांना कोणत्याही परिस्थितीत सामना जिंकावाच लागेल.
कशी असणार दोन्ही संघांची प्लेईंग ११
न्यूझीलंडच्या संघात आज वेगवान गोलंदाज लौकी फर्ग्युसनचे पुनरागमन होऊ शकते. त्याच्यासोबत काईल जेमीसनही मैदानात दिसू शकतो. केन विल्यमसन्सला गेल्या सामन्यात दुखापत झाली होती. मात्र मोठ्या सामन्यात तो खेळताना दिसू शकतो.
न्यूझीलंडचे संभाव्य प्लेईंग ११ - डेवोन कॉनवे, रचिन रविंद्र, केन विलियमसन (कर्णधार), डेरिल मिचेल, टॉम लाथम (विकेटकीपर), ग्लेन फिलिप्स, मार्क चैपमॅन, मिचेल सेंटनर, ईश सोढ़ी/काइल जेमीसन, ट्रेंट बोल्ट, टिम साउदी/लॉकी फर्ग्यूसन.
श्रीलंकेचे संभाव्य प्लेईंग ११ - पाथुम निसंका, कुसल परेरा, कुसल मेंडिस (कर्णधार), सादीरा समरविक्रमा, चरिथ असलंका, एंजेलो मॅथ्यूज, धनंजय डिसिल्वा, महीष तीक्ष्णा, कासुन राजिथा, दुष्मंथा चमिरा, दिलशान मदुशंका.