ENG vs SL: इंग्लंड-श्रीलंका यांच्यात आज रंगणार महामुकाबला

बंगळुरू: विश्वचषकात आज २५वा सामना खेळवला जात आहे. या सामन्यात इंग्लंड आणि श्रीलंकेचे संघ आमनेसामने असतील. पॉईंट्सटेबलमध्ये या दोन्ही संघाची स्थिती खराब आहे. श्रीलंकेचा संघ सातव्या स्थानावर आहे तर इंग्लंडचा संघ आठव्या स्थानावर आहे. या दोन्ही संघांनी आतापर्यंत ४-४ सामने खेळले आहेत. मात्र केवळ एका सामन्यात विजय मिळवता आला. आता हे पाहावे लागेल की कोणता संघ आजच्या सामन्यात बाजी मारतो.



इंग्लंडची स्थिती


इंग्लंड या वनडे आणि टी-२० या दोन्ही फॉरमॅटमध्ये गतविजेता आहे. त्यांचा खेळण्याची स्टाईल वेगळीच आहे. याच कारणामुळे विश्वचषक सुरू होण्याआधीच इंग्लंडला विजेतेपदाचे प्रबळ दावेदार मानले जात होते. मात्र विश्वचषक सुरू होताच चित्र काही वेगळेच पाहायला मिळाले. इंग्लंडची कामगिरी साधारण राहिली. इंग्लंडला विश्वचषकाच्या पहिल्याच सामन्यात न्यूझीलंडकडून पराभव पाहायला मिळाला. त्यानंतर त्यांनी बांगलादेशविरुद्ध विजय मिळवला. मात्र अफगाणिस्तान आणि द आफ्रिकेच्या हातून त्यांचा पराभव झाल्याने सेमीफायनलमध्ये पोहोचण्याचा त्यांचा मार्ग कठीण दिसत आहे.



श्रीलंकेची स्थिती


श्रीलंकेच्या संघाने गेल्या काही महिन्यांत चांगले क्रिकेट खेळले होते. आशिया चषकातही त्यांनी फायनलपर्यंत मजल मारली होती. या विश्वचषकात त्यांची सुरूवात चांगली झाली नाही. त्यांनी आतापर्यंत केवळ एकच सामना जिंकलेला आहे. तर ३ सामन्यात पराभव झाला.



इंग्लंडचे प्लेईंग इलेव्हन


डेविड मालन, जॉनी बेयरस्टो, जो रूट, बेन स्टोक्स, हॅरी ब्रूक/लियाम लिविंगस्टोन, जोस बटलर (कप्तान आणि विकेटकीपर), डेविड विली/मोईन अली, क्रिस वोक्स/सैम कुरेन, आदिल राशिद, गस एटकिंसन, मार्क वुड



श्रीलंकेचे प्लेईंग इलेव्हन


पथुम निसांका, कुसल परेरा, कुसल मेंडिस, सदीरा समरविक्रमा, चैरिथ असलांका, धनंजय डी सिल्वा, एंजेलो मॅथ्यूज, दुशान हेमंथा/डुनिथ वेलालेज, महीश थीक्षाना, कासुन राजिथा, दिलशान मदुशंका

Comments
Add Comment

'तो' एक फोन आणि आयुष्याचा शेवट, आशियाई खेळात भारताचे प्रतिनिधीत्व करणाऱ्या रोहिणी कलमची आत्महत्या!

मध्यप्रदेश: आशियाई खेळात भारताचे प्रतिनिधित्व करणाऱ्या रोहिणी कलमने गळफास घेत आत्महत्या केली आहे. रोहिणी

भारत – ऑस्ट्रेलिया T20 थरार सुरू: पहिला सामना २९ ऑक्टोबरला!

Ind vs AUS T20 : दिवाळीनंतर भारत आणि ऑस्ट्रेलिया क्रिकेट संघांच्या चाहत्यांचे लक्ष आता T20 क्रिकेटवर वळले आहे. २९ ऑक्टोबर

राष्ट्रध्वजाचा अपमान टाळण्यासाठी विराट कोहलीने केलेल्या कृतीचे अनेकांनी केले कौतुक

सिडनी : रोहित शर्मा आणि विराट कोहली यांच्या जबरदस्त बॅटिंग भारतानं ऑस्ट्रेलिया विरुद्धच्या तिसऱ्या सामन्यात

ऑस्ट्रेलियात पॅरा बॅडमिंटनमध्ये भारताला ११ पदके

नवी दिल्ली : ऑस्ट्रेलिया पॅरा बॅडमिंटन इंटरनॅशनल २०२५ मध्ये भारतीय पॅरा-बॅडमिंटन खेळाडूंनी शानदार कामगिरी करत

उपांत्य फेरीत भारतीय संघ खेळणार 'या' संघाविरूद्ध!

मुंबई: महिला एकदिवसीय विश्वचषक २०२५ अखेरच्या टप्प्यात येऊन पोहोचला असून उपांत्य फेरीची उत्सुकता क्रिकेट

'रो-को'ने ऑस्ट्रेलियाचा विजयरथ रोखला, रोहितचे शतक आणि विराटचे अर्धशतक; 'रो-को'ची ऐतिहासिक कामगिरी

सिडनी : भारत आणि ऑस्ट्रेलिया यांच्यात सिडनीच्या मैदानावर रंगलेला एकदिवसीय सामना भारताने नऊ गडी राखून जिंकला.