India vs Australia World Cup 2023: भारताविरुद्ध ऑस्ट्रेलियाला एक चूक पडली महागात

  100

चेन्नई: आयसीसी वनडे विश्वचषक २०२३मध्ये(world cup 2023) भारतीय संघाने आपल्या पहिल्या सामन्यात ऑस्ट्रेलियाला ६ विकेट राखून हरवले. चेन्नईच्या एम ए चिदम्बरम स्टेडियममध्ये खेळवण्यात आलेला हा सामना खूपच रोमांचक ठरला होता. एक वेळ अशी आली होती की जेव्हा भारतीय चाहत्यांचा श्वास रोखला गेला होता.


सामन्यात टॉस जिंकत पहिल्यांदा फलंदाजी करणाऱ्या ऑस्ट्रेलियाच्या संघाने २०० धावांचे आव्हान भारतासमोर ठेवले होते. याच्या प्रत्युत्तरात रोहित शर्माच्या नेतृत्वात भारतीय संघाने सुरूवातीला २ धावांवर आपले ३ विकेट गमावले होते.



ऑस्ट्रेलियाची एक चूक आणि....


यानंतर विराट कोहली आणि केएल राहुलने मोर्चा सांभाळला. मात्र पुन्हा एकदा अशी वेळ आली की ऑस्ट्रेलियाकडे सामन्यावर पकड मिळवण्याची संधी होती. मात्र ऑस्ट्रेलियाच्या खेळाडूची चूक झाली आणि त्यांच्या हातून संधी गेली आणि सामनाही गेला.


 


डावातील ८व्या ओव्हरमध्ये जोश हेझलवूडने गोलंदाजी केली होती. याआधी त्याने २ विकेट घेतल्या होत्या. त्यावेळेस भारताची धावसंख्या ३ बाद २० इतकी होती. या ओव्हरच्या तिसऱ्या बॉलवर कोहलीने हवेत शॉट मारण्याचा प्रयत्न केला मात्र बॉल हवेतच सर्कलच्या आत राहिला.



कोहलीला मिळाले जीवनदान


कोहलीचा कॅच पकडण्यासाठी विकेटकीपर अॅलेक्स कॅली आणि मिचेल मार्श धावले. मात्र दोघांमध्ये गोंधळ झाला आणि यातच बॉल खाली आल्यानंतर मार्शच्या हातातून निसटला. ही चूक ऑस्ट्रेलियाच्या संघाला खूपच भारी पडली. मिचेल मार्श आपली ही चूक कधीच विसरणार नाही.


कोहलीचा कॅच सुटला तेव्हा तो १२ धावांवर खेळत होता. त्यानंतर त्याने सामन्यात ११६ बॉल खेळत ८५ धावा केल्या. त्यामुळे टीम इंडियाला विजय साकारता आला. याशिवाय केएल राहुलने ११५ बॉलमध्ये ९७ धावांची खेळी केली. यामुळे भारताला ऑस्ट्रेलियाविरुद्ध विजय साकारता आला.

Comments
Add Comment

IND vs ENG: चौथ्या दिवसाचा खेळ संपला, इंग्लंडला विजयासाठी हव्यात ३५ धावा, भारताला चमत्कार वाचवणार का?

लंडन: भारत आणि इंग्लंड यांच्यातील पाचव्या कसोटी सामन्याचा चौथ्या दिवशीचा खेळ संपला आहे. चौथ्या दिवशी पावसामुळे

यशस्वी जायसवालने शतक ठोकत रवी शास्त्रींना टाकले मागे, टीम इंडियानेही रचला खास विक्रम!

लंडन: इंग्लंडविरुद्धच्या पाचव्या कसोटी सामन्यात युवा सलामीवीर यशस्वी जायसवालने पुन्हा एकदा आपल्या फलंदाजीची

India vs England 5th Test: ओव्हल कसोटीत भारताने इंग्लंडला दिले ३७४ धावांचे लक्ष्य, सुंदरची 'सुंदर' खेळी

India vs England 5th Test: भारत आणि इंग्लंड यांच्यातील अँडरसन-तेंडुलकर ट्रॉफी २०२५ चा शेवटचा कसोटी सामना लंडनमधील ओव्हल क्रिकेट

"आम्ही पुन्हा प्रयत्न करत आहोत" सायना नेहवाल आणि पी. कश्यपच्या नात्यात यु टर्न

नवी दिल्ली: बॅडमिंटनपटू सायना नेहवाल (Saina Nehwal) आणि पारुपल्ली कश्यप (Parupalli Kashyap) या दोघांच्या नात्यात पुन्हा एकदा गोडवा

जसप्रीत बुमराहच्या आशिया कप खेळण्यावर प्रश्नचिन्ह

नवी दिल्ली:  आशिया कप २०२५ पुढील महिन्यात खेळवला जाणार आहे आणि चाहते या स्पर्धेबद्दल खूप उत्सुक आहेत. पण

ग्रॅन्डमास्टर दिव्या देशमुखला शासनाकडून ३ कोटींचे बक्षीस, मुख्यमंत्री देवेंद्र फडणवीसांच्या हस्ते सत्कार

नागपूर: महाराष्ट्राच्या दिव्या देशमुखने फिडे महिला बुद्धीबळ विश्वचषकात विजेतेपद पटकावल्यामुळे, महाराष्ट्र