Thursday, July 18, 2024
Homeताज्या घडामोडीNavratri 2023 : दुर्गे दुर्गट भारी तुजविण संसारी... आता सर्वत्र नवरात्रीचा जल्लोष!

Navratri 2023 : दुर्गे दुर्गट भारी तुजविण संसारी… आता सर्वत्र नवरात्रीचा जल्लोष!

नवरात्रीसाठी देवीच्या मूर्तींचे रंगकाम शेवटच्या टप्प्यात…

मुंबई : गणेशोत्सवानंतर आता सर्वत्र नवरात्रीचे (Navratri) वेध लागले आहेत. गरबा (Garaba) आणि दांडिया नाईट्ससाठी (Dandiya Nights) आतापासूनच तयारीला सुरुवात झाली आहे. तर देवीही मखरात बसण्यासाठी सज्ज झाली आहे. यंदा १५ ऑक्टोबर रोजी घटस्थापनेचा (Ghatsthapana) मुहूर्त आहे. वेगवेगळ्या कार्यशाळांमध्ये देवीच्या मूर्तीचे रंगकाम आता शेवटच्या टप्प्यात आले आहे. देवीच्या आगमनासाठी विविध सार्वजनिक मंडळेही उत्सुक झाली आहेत.

गणेशोत्सवाप्रमाणेच महाराष्ट्रात नवरात्रही विशेष लोकप्रिय आहे. नवरात्रीचे नऊ दिवस देवीची मनोभावे पूजा केली जाते तर काही भाविक श्रद्धेपोटी नऊ दिवस उपवासदेखील करतात. गुजरातमध्ये खेळला जाणारा गरबा आणि दांडिया हा प्रकारही महाराष्ट्रात लोकप्रिय आहे. तसेच नवरात्रीतील नऊ दिवस नऊ वेगवेगळ्या रंगांचे कपडे त्या त्या दिवशीच्या रंगांप्रमाणे घातले जातात. यामुळे एक सामाजिक एकीही दिसून येते.

यंदाही देवीच्या आगमनासाठी तयारी केली जात आहे. देवीच्या सुंदर आणि सुबक मूर्ती कार्यशाळांमधून तयार केल्या जात आहेत. अशाच मुंबईतील अनंत बंगाल यांच्या श्री गणेश आर्ट येथील कार्यशाळेत आमचे छायाचित्रकार अरुण पाटील यांनी फेरफटका मारला. तेथील देवीच्या मूर्तींची ही झलक खास प्रहारच्या वाचकांसाठी…

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -