लाहोर : आशिया कप २०२३मधील(asia cup 2023) पाकिस्तानच्या लाहोरमध्ये खेळवण्यात येत असलेल्या सुपर ४मधील पहिल्याच सामन्यात पाकिस्तानचा भोंगळ कारभार पाहायला मिळाला. बांगलादेशला १९३ धावांवर रोखल्यानंतर जेव्हा पाकिस्तानचा संघ मैदानावर खेळण्यासाठी उतरला तेव्हा फ्लड लाईट बंद झाल्याने सामना थांबवावा लागला.
पाकिस्तान क्रिकेट मॅनेजमेंटने फ्लड लाईटची समस्या दूर केली मात्र या कारणामुळे २० मिनिटे खेळ थांबवण्यात आला. पाकिस्तानच्या या भोंगळ कारभाराची क्रिकेट चाहत्यांनी सोशल मीडियावर चांगलीच खिल्ली उडवली जात आहे. क्रिकेट चाहते पीसीबीला चांगलेच धारेवर धरत आहेत.
पाकिस्तानची क्रिकेट चाहत्यांनी उडवली खिल्ली
पाकिस्तानच्या वेगवान गोलंदाजांची कमाल
फ्लड लाईट खराब झाल्याने भले पीसीबीला सगळेजण बोल लावत आहेत मात्र त्यांच्या वेगवान गोलंदाजांनी लाहोरमध्ये जबरदस्त कामगिरी केली. पाकिस्तानचा वेगवान गोलंदाज शाहीन शाह आफ्रिदी, हारिस रऊफ आणि नसीम शाहने मिळून बांगलादेशचे ९ विकेट पडल्या आणि संपूर्ण संघ १९३ धावांवर आटोपला.