नवी दिल्ली : चांद्रयान ३च्या (chandrayaan 3) यशाचे सेलिब्रेशन संपूर्ण देश साजरा करत आहे. चंद्राच्या दक्षिण ध्रुवावर चांद्रयान ३च्या ऐतिहासिक सॉफ्ट लँडिंगच्या चार दिवसांनी रविवारी इस्त्रोचे प्रमुख एस सोमनाथ (isro chief s somnath) केरळच्या तिरूअनंतपुरममधील पूर्णमेकवू -भद्रकाली मंदिरात दर्शनासाठी पोहोचले. चांद्रयान ३च्या यशानंतर ते देवाच्या दर्शनासाठी गेले. दर्शनानंतर त्यांनी प्रसारमाध्यमांशी बोलताना मी येथेही काहीतरी शोधत असतो असे सांगितले. तसेच विज्ञान आणि अध्यात्म यांच्यातील ताळमेळीबाबत आपला गृष्टिकोनही व्यक्त केला.
इस्त्रो प्रमुख सोमनाथ म्हणाले, मी एक शोधकर्ता आहे. विज्ञान आणि अध्यात्म दोघांचा शोध घेणे हा माझ्या जीवनाचा भाग आहे. मी अनेक मंदिरात जातो तसेच मी अनेक धर्मग्रंथ वाचले आहेत यासाठी या ब्रम्हांडामध्ये आपल्या अस्तित्वाचा शोध घेण्याचा प्रयत्न करत असतो. हा एक प्रवास आहे. आपल्या संस्कृतीचा एक भाग आहे. मी विज्ञानावरही काम करतो. सोबतच मनाच्या शांततेसाठी मंदिरातही जातो.
इस्त्रो प्रमुख म्हणाले, चांद्रयान ३चे लँडर आणि रोव्हर दोन्ही व्यवस्थित आहेत आणि नीट काम करत आहेत. यात लावलेली सर्व पाच उपकरणे सुरू आहेत. याद्वारे आम्हाला चांगला डेटा मिळत आहे. या दरम्यान एस सोमनाथ म्हणाले, येणाऱ्या काही दिवसांत ३ सप्टेंबरपर्यंत आम्ही अनेक प्रयोगांना पूर्णत्व देऊ.
चांद्रयान ३ने ज्या ठिकाणी स्पर्श केला त्याला शिवशक्ती हे नाव देण्यात आले. याबद्दल बोलताना ते म्हणाले, हे नामकरण पंतप्रधान नरेंद्र मोदींनी केले आहे. आमच्यासाठी हे उपयुक्त आहे. यात काहीही चुकीचे नाही.
मुंबई : मुंबई मेट्रो मार्ग ३ साठी केंद्र सरकारद्वारे जपान आंतरराष्ट्रीय सहकार्य संस्था (जायका) यांच्या…
सुरत: सुरतच्या सचिन परिसरात शनिवारी बहुमजली इमारत कोसळली. ही इमारत कोसळल्यानंतर एनडीआरएफ, फायर ब्रिगेडचे संघ…
मुख्यमंत्री एकनाथ शिंदे स्वीकारणार पुरस्कार मुंबई : १५ व्या कृषी नेतृत्व पुरस्कार समितीचा २०२४ चा…
मुंबई: अर्शदीप सिंह टी-२० वर्ल्डकप २०२४मध्ये सर्वाधिक विकेट घेण्याच्या बाबतीत संयुक्तपणे पहिल्या स्थानावर राहिला. त्याने…
विशेष - भालचंद्र ठोंबरे नहूष हा कुरूवंशातील पराक्रमी राजा होता. तो ययातीचा पिता आणि आयूचा…
निसर्गवेद - डॉ. महालक्ष्मी वानखेडकर गली खजिन्यातील एक हिरा म्हणजे ही कवक, बुरश्या, भूछत्र, अळंबी,…