SRA : झोपडीधारकांनो बिल्डरने भाडे थकवले आहे का? ३० दिवसांच्या आत एसआरए कार्यालयात संपर्क करा!

  444

१५० विकासकांनी झोपडीधारकांचे भाडे थकवल्याचे आले उघडकीस!


एसआरएने झोपडीधारकांकडून आणि विकासकांकडूनही मागविली थकीत भाड्याची माहिती

भाडे थकलेल्या झोपडीधारकांना आशेचा किरण


मुंबई : शहर आणि उपनगरात झोपडपट्टी (SRA) पुनर्वसन योजना (Slum Rehabilitation Authority) हाती घेतलेल्या अनेक विकासकांनी झोपडीधारकांचे पर्यायी वास्तव्याचे भाडे थकविले आहे. या विकासकांवर कारवाई करण्याची मोहीम झोपडपट्टी पुनर्वसन प्राधिकरणाने (एसआरए) हाती घेतली आहे. त्यानुसार भाडे थकबाकीच्या तक्रारी मार्गी लावण्यासाठी प्राधिकरणाने २४ नोडल अधिकाऱ्यांची नेमणूक केली आहे. या अधिकाऱ्यांकडे एसआरए संस्था आणि वैयक्तिक झोपडीधारकाला ३० दिवसांच्या आत माहिती सादर करण्याची संधी प्राधिकरणाने दिली आहे. तसेच प्रकल्प राबविणाऱ्या विकासकांकडून ही भाड्याची माहिती एसआरएने मागविली आहे.


झोपडीधारकांना पक्की घरे देण्यासाठी मुंबई महानगर क्षेत्रात एसआरए योजना राबविण्यात येत आहे. या योजनेनुसार विकासकांनी झोपडपट्टी पुनर्वसनाचे विविध प्रकल्प हाती घेतले आहेत. इमारतीचे बांधकाम करतेवेळी योजनेतील पात्र झोपडीधारकांना विकासकाकडून झोपडीचे निष्कासन केल्यावर भाडे देणे बंधनकारक आहे; परंतु विकासक झोपडपट्टीधारकांना मुदतीत भाडे देत नसल्याने अनेक झोपडीधारक, संस्था एसआरए कार्यालयात दाद मागण्यासाठी येतात. विकासकांकडून भाडे मिळत नसल्याने गोरगरीब झोपडीधारकांची आर्थिक कुचंबणा होते. याचा विचार करून एसआरए प्राधिकरणाने चालू योजनांचा आढावा घेतला असता सुमारे १५० विकासकांनी झोपडीधारकांचे भाडे थकविल्याचे निदर्शनास आले. या विकासकांना नोटीस बजावताच त्यांनी काही वर्षांचे झोपडीधारकांचे पर्यायी वास्तव्याचे भाडे दिले आहे. या कारवाईनंतरही अनेक विकासक भाडे देत नसल्याचे दिसून आल्याने प्राधिकरणाने मुंबई महानगरातील झोपडपट्टी पुनर्वसन योजनांसाठी क्षेत्रनिहाय नोडल अधिकाऱ्यांची नेमणूक केली आहे. या नोडल अधिकाऱ्यांचा दूरध्वनी क्रमांक, ईमेल आयडी, क्षेत्र जाहीर करण्यात आले असून थकबाकी असलेल्या नागरिकांना आपली तक्रार ३० दिवसांच्या आत नोंदवावी लागणार आहे.


नोडल अधिकाऱ्यांना त्यांच्या क्षेत्रातील झोपडपट्टी पुनवर्सन योजनानिहाय भाडे थकबाकी संदर्भातील माहिती झोपडीधारकांना देता येणार आहे.


झोपडपट्टी पुनवर्सन योजनेतील सहकारी संस्था वा वैयक्तिक झोपडीधारक देखील थकीत भाड्या संदर्भात माहिती देऊ शकतील. तसेच भविष्यात देखील भाडे थकबाकी संदर्भात समस्या उद्भवल्यास प्रथम नोडल अधिकाऱ्यांना थकबाकी भाड्याची माहिती देता येणार आहे. अनेक वर्षांपासून भाडे थकलेल्या या कारवाईमुळे दिलासा मिळणार आहे.


भाडे थकीत असलेल्या झोपडीधारकांकडून प्राधिकरणाने माहिती मागविली आहे. त्यासाठी नोडल अधिकाऱ्यांची नेमणूक करण्यात आली आहे. भाडे थकीत असलेल्या झोपडीधारकांना ३० दिवसात तक्रार नोंदवता येणार आहे. झोपडीधारकांचे भाडे न देणाऱ्या विकासकाच्या प्रकल्पाचे काम थांबविणे, विकासक बदलणे अशी कारवाई करण्यात येत आहे. - सतीश लोखंडे, मुख्य कार्यकारी अधिकारी, एसआरए


 
Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

 
Comments
Add Comment

Police Officers Transfer: महाराष्ट्रात ५१ IPS अधिकाऱ्यांच्या बदल्या, कोणत्या पोलिस अधिकाऱ्यांना मिळाली महत्वाची जबाबदारी...

मुंबई : महाराष्ट्र सरकारच्या गृह विभागाने (Home Department) ५१ भारतीय सेवा अधिकारी (IPS) आणि ८१ राज्य पोलिस सेवा

अभिनेत्री निशा रावलने सांगितला पती करण मेहराकडून झालेला संतापजनक छळ

मुंबई : अभिनेत्री निशा रावलने तिचा पूर्वाश्रमीचा पती आणि 'ये रिश्ता क्या कहलाता है' फेम अभिनेता करण मेहरा

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.

ST : राज्यातील सर्वात मोठे स्क्रॅपिंग सेंटर (भंगार केंद्र) एसटीच्या जागेवर उभारले जाणार, 'एसटी'साठी उत्पन्नाचा नवा स्त्रोत...

मुंबई : एसटी विभागीतल जुनी वाहने  स्क्रॅप करून त्याचे सुटे भाग पुन्हा वापरात येणार नाहीत, अशा पद्धतीने त्यांची

पुढील दोन दिवस महत्त्वाचे! मुंबई, पुणे, दक्षिण कोकणसह राज्याच्या 'या' भागात मुसळधार पावसाची शक्यता, IMDचा ॲलर्ट

मुंबई : मुंबईमध्ये शुक्रवारी पावसाची उपस्थिती दिलासादायक होती. वीकेंडला एक-दोन ठिकाणी मुसळधार पावसाची शक्यता

दिलासादायक! मुंबईत कोविड शून्य रुग्ण नोंद

कोविड सदृश्य अथवा तत्सम लक्षणे आढळल्यास कृपया योग्य ती काळजी घ्यावी : बृहन्मुंबई महानगरपालिका प्रशासनाचे