मुंबई : वर्षभरापूर्वी महाराष्ट्राचे सद्यकालीन मुख्यमंत्री एकनाथ शिंदे (Eknath Shinde) यांनी शिवसेनेत बंड केल्यामुळे शिवसेनेत उभी फूट पडली. मात्र त्या दिवसापासून ते आजतागायत एकनाथ शिंदेंच्या नेतृत्वाखालील शिवसेनेत ठाकरे गटाकडून पक्षप्रवेश होत आहेत. शिवसेना सोडून पुन्हा ठाकरे गटात मात्र कोणीही गेलेले नाही. यातच आता आणखी एक नेता ठाकरे गटातून शिवसेनेत पक्षप्रवेश करणार आहे. या गोष्टीमुळे ठाकरे गटाच्या चिंतेत भर पडली असून पक्षाला लागलेली गळती कायम असल्याचे चित्र आहे.
याबाबत शिवसेनेचे प्रवक्ते नरेश म्हस्के (Naresh Mhaske) यांनी आज सकाळीच एक सूचक ट्विट केलं होतं. आज ‘उबाठा’चा आणखी एक मोहरा कमी होईल असं म्हणत त्यांनी ‘उठा तुमच्यावर लवकरच झोपायची वेळ येणार’ असा सूचक इशारा उद्धव ठाकरेंना (Uddhav Thackeray) दिला होता. खरा कार्यकर्ता हा कधीही ठाकरे गटासोबत राहू शकत नाही, अशा अशायाची एक कविता नरेश मस्के यांनी ट्विट केली होती. मात्र या नेत्याचं नाव गुलदस्त्यात होतं. आता हे नाव समोर आलं असून पक्षप्रवेश देखील पार पडल्याने हा ठाकरे गटासाठीचा मोठा धक्का आहे.
संजय अगलदरे (Sanjay Agaldare) असं शिवसेनेत प्रवेश करणाऱ्या नेत्याचं नाव आहे. आज वर्षा या मुख्यमंत्री एकनाथ शिंदे यांच्या निवासस्थानी त्यांचा पक्षप्रवेश पार पडला. ठाकरे गटाचे अनिल परब यांच्या ते जवळचे आहेत. संजय अगलदरे हे तीन वेळा नगरसेवक राहिले आहेत. एकदा वरळी तर दोन वेळा खार दांडा येथून ते नगरसेवक झाले आहेत.
संजय अगलदरे यांनी पक्षप्रवेश केल्यानंतर आपलं बाळासाहेबांचं हिंदुत्वाचं सरकार स्थापन झाल्यानंतर थांबलेली विकासकामे सुरू झाली आहेत, असे शिंदे-फडणवीस सरकारबद्दल गौरवोद्गार काढले. आपलं सरकार आलं आणि चांगल्या सेवा मिळाव्या यासाठी अनेक गोष्टी केल्या असंही त्यांनी म्हंटलं.
मुंबई : महाराष्ट्रात पहिली ते पाचवीपर्यंत इंग्रजीबरोबर हिंदी भाषाही सक्तीची करण्याच्या राज्य सरकारच्या निर्णयावर टीकेची…
मुंबई: जम्मू-काश्मीरच्या अनंतनाग जिल्ह्यातील पहलगाम येथे आज, मंगळवारी झालेल्या दहशतवादी हल्ल्यात सुमारे २७ जणांचा मृत्यू…
मुंबई : ग्रामीण असो किंवा शहरी भाग, लोकांना पिण्याच्या पाण्यासाठी वणवण करावी लागू नये. उन्हाळा…
इंडिया कॉलिंग : डॉ. सुकृत खांडेकर महाराष्ट्रात यापुढे पहिलीपासून हिंदी भाषा शिकवणे अनिवार्य होणार आहे.…
श्रीनगर : जम्मू-काश्मीरच्या पहलगाममध्ये दहशतवाद्यांनी पर्यटक आणि स्थानिकांवर अंदाधुंद गोळीबार केला. या गोळीबारात २७ व्यक्तींचा…
मुंबई: इंडियन प्रीमियर लीग २०२५च्या ४०व्या सामन्यात लखनऊ सुपर जायंट्स आणि दिल्ली कॅपिटल्स यांच्यात टक्कर…