मुंबई: बॉलिवूडचा लोकप्रिय दिग्दर्शक रोहित शेट्टीचा 'खतरों के खिलाडी' (Khatron Ke Khiladi 13) या कार्यक्रमात फायनलिस्ट कोण असणार याकडे मनोरंजनप्रेमींच लक्ष लागून राहिले आहे. दरम्यान या पर्वात 'आपला माणूस' शिव ठाकरे (Shiv Thakare) 'खतरों के खिलाडी 13'चा पहिला फायनलिस्ट असणार असल्याची चर्चा आहे.
दरम्यान अद्याप यासंदर्भात अधिकृत माहिती समोर आलेली नसली तरी पहिला फायनलिस्ट मराठमोळा शिव झाल्याच्या चर्चेने चाहत्यांचा आनंद गगनात मावेनासा झाला आहे. शिव 'बिग बॉस मराठी'चा विजेता होता. हिंदी बिग बॉस आणि रोडीजदेखील त्याने गाजवलं आहे. आता 'खतरों के खिलाडी 13' चा फायनल राऊंड गाजवण्यासाठी तो सज्ज झाला आहे. फायनलमध्ये तो उंचावरुन लटकताना, साप-मगरी यांच्यासोबत स्टंटबाजी करताना दिसणार आहे. शिव ठाकरे 'खतरों के खिलाडी 13'नंतर तो 'रोडीज 19'मध्ये गँग लीडर म्हणून दिसणार आहे.