Drugs case : रजनीकांतच्या एका चित्रपट निर्मात्याला ड्रग्ज प्रकरणात अटक

  88

पेटिट इबुझर या नायजेरियन नागरिकाकडून करायचा ड्रग्जची खरेदी


हैदराबाद (Hyderabad) : रजनीकांतच्या (Rajinikanth) ‘कबाली’ (kabali) या चित्रपटाची तेलुगू (Telugu film) आवृत्ती रिलीज करणारा तेलगू निर्माता सुंकारा कृष्णप्रसाद चौधरी उर्फ केपी चौधरी (KP Chowdhary) याला मंगळवारी १३ जूनला ड्रग्ज प्रकरणात (Drugs case) अटक करण्यात आली. हैदराबादमधील (Hyderabad) राजेंद्रनगर येथील राहत्या घराजवळील आपल्या ग्राहकांना ड्रग्ज पुरवण्यासाठी जात असताना चौधरीला रंगेहात पकडण्यात आले. त्याच्याकडून ८२.७५ ग्रॅम वजनाच्या कोकेनच्या (Cocaine) ९० गोण्या जप्त करण्यात आल्या. तपासादरम्यान, त्याने नुकतेच गोव्यातून कोकेनच्या १०० गोण्या आणल्याचे निष्पन्न झाले.


पोलिसांनी दिलेल्या माहितीनुसार, काही महिन्यांपूर्वी गोव्यात स्थलांतरित झालेल्या चौधरीने गोव्यात ओएचएम क्लब (OHM Club) सुरू केला. तो मित्रांसोबत आणि त्याच्या गोव्यातील क्लबला भेट देणा-या सेलिब्रिटींसोबत (Celebrities) अंमली पदार्थांचे (Drugs) सेवन करत असे. एप्रिल २०२३ मध्ये हैदराबादला येत असताना, त्याने पेटिट इबुझर (Petit Ebuzer) या नायजेरियन नागरिकाकडून (Nigerian) गांजा विकत घेतला. यात त्याने कोकेनच्या १०० गोण्या खरेदी केल्या, त्यापैकी १० पिशव्या त्याने स्वत: वापरण्यासाठी आणि ९० त्याच्या मित्रांना विकण्यासाठी वापरल्या. मंगळवारी तो आपल्या मर्सिडीजमधून पोती घेऊन घरातून निघाला असता तो आपल्या मित्रांना अंमली पदार्थ विकण्याच्या मार्गावर असल्याचा पोलिसांना संशय आला आणि पोलिसांनी त्याला रंगेहाथ पकडले.


पोलिसांनी जप्त केलेल्या साहित्यात ८२.७५ ग्रॅम वजनाच्या कोकेनच्या ९० गोण्या, २.०५ लाख रुपये, त्याची मर्सिडीज (Mercedes) आणि मोबाईल फोन असून या सर्वांची किंमत ७८.५० लाख आहे, असे डीसीपी राजेंद्रनगर आर जगदीश्वर रेड्डी यांनी सांगितले. तसेच पोलिसांना आढळले की, केपी चौधरीचे क्लायंट टॉलीवूड आणि कॉलीवूडसह चित्रपट वर्तुळात आणि व्यावसायिक वर्तुळात देखील पसरलेले आहेत. तो ड्रग किंगपिन एडविन न्युन्सशी (Drug kingpin Edwin Nunes) देखील संबंधित आहे ज्याला HNEW ने यापूर्वी अटक केली होती.



कोण आहे केपी चौधरी?

केपीने २०१६ मध्ये चित्रपट उद्योगात प्रवेश केला आणि रजनीकांतचा सिनेमा कबालीच्या तेलुगु आवृत्तीची निर्मिती केली. याशिवाय केपी चौधरीने सरदार गब्बर सिंग न सीताम्मा वकितलो सिरिमल्ले चेट्टू या चित्रपटांमध्ये वितरक म्हणूनही काम केले. तो कन्नीटन या तमिळ चित्रपटाशीही जोडला गेला होता. या चित्रपटांमधून त्यांना फारसा फायदा झाला नसला तरी, केपी चौधरी याचा गोव्यात क्लब आहे आणि चित्रपटसृष्टीशी संबंधित अनेक स्टार्स त्याच्या क्लबला भेटी देतात.



Comments
Add Comment

पंजाबमध्ये पुराचा हाहाकार, नवोदय विद्यालयात ४०० मुले अडकली; प्रशासनाच्या हलगर्जीपणामुळे पालकांमध्ये संताप

गुरुदासपूर: पंजाबमध्ये गेल्या काही दिवसांपासून सुरू असलेल्या मुसळधार पावसामुळे आणि हिमाचल व जम्मू-काश्मीरमधून

जर्मन वृत्तपत्राचा मोठा दावा: ट्रम्प यांचे ४ फोन, पण पंतप्रधान मोदींनी प्रतिसाद दिला नाही

नवी दिल्ली: अमेरिका आणि भारत यांच्यातील वाढत्या व्यापार तणावादरम्यान एक खळबळजनक दावा समोर आला आहे. जर्मन

अंडाकरी बनवण्यास पत्नीने दिला नकार, पतीने केली आत्महत्या

धमतरी (छत्तीसगढ): छत्तीसगढमधील धमतरी जिल्ह्यात एक धक्कादायक आणि दु:खद घटना समोर आली आहे. एका पतीने केवळ त्याच्या

वैष्णोदेवी यात्रा मार्गावर दरड कोसळून पाच जणांचा मृत्यू

जम्मू : जम्मू-काश्मीरमध्ये ढगफुटी आणि सततच्या मुसळधार पावसामुळे मोठ्या प्रमाणात नुकसान झाले आहे. अनेक भागांत

पंतप्रधान मोदी २९ ऑगस्टपासून जपान आणि चीन दौऱ्यावर

नवी दिल्ली : पंतप्रधान नरेंद्र मोदी २९ ऑगस्टपासून जपान आणि चीन दौऱ्यावर जाणार आहेत. या संदर्भात परराष्ट्र सचिव

उदयगिरी आणि हिमगिरी, २ निलगिरी-क्लास फ्रिगेट्स भारतीय नौदलात दाखल

नवी दिल्ली : संरक्षण मंत्री राजनाथ सिंह यांच्या अध्यक्षतेखाली झालेल्या समारंभात नौदलाने मंगळवारी आयएनएस