कल्हईवाला

  219

कल्हईवाला : एकनाथ आव्हाड


कल्हईवाला
आला हो आला
कल्हईवाला...
हुशार खूप
जरी दिसे बावळा...

मळकट पोशाख
रुमाल डोक्यावर...
नाना भाषा
त्याच्या ओठावर...

विस्तवावर भांड्यांना
करी तो कल्हई...
त्यावर भरभर
नवसागर फिरवी...

चिमट्याने भांडे मग
बुडवी पाण्यात...
‘चर्र’ आवाज
घुमे आमच्या कानात...

पितळेच्या भांड्यांना
कल्हई अशी करतो...
जुनीपुराणी भांडी
नवी करून देतो...

पाहून सारे मी
सांगतो थाटात...
कल्हईवाल्याच्या
जादू आहे बोटात...



काव्यकोडी : एकनाथ आव्हाड


१) हे पेरून ताजी ताजी
कोथिंबीर मिळते
मुखशुद्धीसाठी याची
डाळ वापरली जाते

मसाल्यांमधला हा
महत्त्वाचा पदार्थ
जिऱ्यासोबत कुणाचं
नाव नेमकं येतं?

२) सरसो का साग सोबत
याचीच खावी भाकरी
पंजाबमध्ये हमखास
मिळणार याची खात्री

चिवडा, पोहे बनवतात
भाजूनसुद्धा खातात
गुजरातीमध्ये कोणाला
‘भुटा’ असं म्हणतात?

३) दुधात विरजण घातल्यावर
नावारूपाला येते
पंचामृतात याचीही
गणना केली जाते
रुचकर, अग्निदीपक
दुधापेक्षाही भारी
पटकन याचे नाव
सांगा कुणीतरी?

उत्तर -
१) धने
२) मका
३) दही

eknathavhad23 @gmail.com
Comments
Add Comment

पाऊस

कथा : रमेश तांबे एकदा काय झाले काळ्याकुट्ट ढगांनी आकाश भरून आले वारा सुटला सोसाट्याचा उडवत पाचोळा

झोप

प्रतिभारंग : प्रा. प्रतिभा सराफ शरीर तसेच मनाच्या विश्रांतीची ‘झोप’ ही नैसर्गिक अवस्था असते. झोप आपल्या शरीराला

उपयुक्तता व सौंदर्य एकाच नाण्याच्या दोन बाजू

लहानशा गोष्टी, मोठा अर्थ : शिल्पा अष्टमकर आजच्या जगात आपल्याला काय आढळते. माणसे ही सौंदर्याच्या मागे लागलेली

स्व-जाणीव

लहानशा गोष्टी, मोठा अर्थ : शिल्पा अष्टमकर जोमनुष्य स्वतःला व स्वतःच्या शक्तीला ओळखतो त्याला जीवनात सर्व काही

तुझ्या हाताच्या चवीचं...

प्रतिभारंग : प्रा. प्रतिभा सराफ बाबा सरकारी नोकरीत सुपरिटेंडंट होते. त्यामुळे त्यांची नियुक्ती महाराष्ट्रात

हत्ती

कथा : रमेश तांबे एक होता हत्ती त्याच्या अंगात फार मस्ती इकडे तिकडे धावायचा पायाखाली येईल त्याला चिरडायचा. हत्ती