पुण्यातील आयटी पार्कमधील एका इमारतीला आग

  93

पुणे : पुण्यातील कल्याणीनगर येथील मॅरिगोल्ड आयटी पार्कमधील वेगवेगळ्या खाजगी कंपन्यांची कार्यालये असलेल्या एका टॉवरमध्ये आज सकाळी आग लागल्याने एकच धावपळ उडाली. पुणे अग्निशमन दलाच्या नियंत्रण कक्षाला सकाळी ११:३० च्या सुमारास आग लागल्याची माहिती मिळाली. परिस्थिती नियंत्रणात आणण्यासाठी पुणे शहर पोलिसांनीही घटनास्थळी धाव घेतली. या आगीत ४ जण गंभीर जखमी झाले असून सुमारे १५ जण किरकोळ जखमी झाले आहेत तर ४० जणांची सुटका करण्यात यश आले आहे.


आगीची माहिती मिळताच अग्निशमन दलाचे पथक पाण्याचे टँकर, ब्रँटो शिडी आणि इतर उपकरणांसह घटनास्थळी दाखल झाले. पुणे अग्निशमन दलाने आयटी पार्कमधून ४० जणांची सुटका केली. या कारवाईदरम्यान अग्निशमन दलाचे दोन जवान जखमी झाले.


अग्निशमन दल घटनास्थळी पोहोचण्यापूर्वी सुरक्षा कर्मचार्‍यांनी आयटी पार्क इमारतीत बसवलेल्या अग्निशामक यंत्रांचा वापर करून आग विझवण्याचा प्रयत्न केला. मात्र पहिल्या मजल्यावर लागलेली आग चौथ्या मजल्यापर्यंत वेगाने पसरली आणि मोठ्या प्रमाणात धूर निर्माण झाला. कार्यालयात काम करणाऱ्या कर्मचाऱ्यांनी जागा रिकामी करण्यास सुरुवात केली. मात्र त्यातील काही आतमध्ये अडकल्याने त्यांना बाहेर पडता आले नाही.


दरम्यान, या घटनेत जखमी झालेल्या सुमारे २० जणांवर डॉक्टरांच्या पथकाने उपचार केले. गंभीर जखमी झालेल्या चार जणांना उपचारासाठी रुग्णालयात दाखल करण्यात आले आहे. याशिवाय काहींना श्वासोच्छवासाचा त्रास होत असल्याच्या तक्रारी होत्या. त्यामुळे आग विझवल्यानंतर अग्निशमन दलाच्या जवानांनी इमारतीच्या काचेच्या भागाचा काही भाग तोडून अडकलेला धूर बाहेर काढला.

Comments
Add Comment

मुंबईत ४ सप्टेंबरपर्यंत आंदोलन करण्याचे जरांगेंचे संकेत!

आंदोलनासाठी एक दिवसाच्या मुदतवाढीनंतर जरांगेची प्रतिक्रिया मुंबई:  मराठा आंदोलक मनोज जरांगे पाटील (Manoj Jarange Patil )

Ajit Pawar Onion Issue: अजित पवारांवर कांद्याची माळ फेकण्याचा प्रयत्न, 'कांदा' प्रश्नावर संभाजी ब्रिगेड आक्रमक

अहिल्यानगर: आज श्रीगोंदा (ahilyanagar) येथे उपमुख्यमंत्री अजित पवारांच्या (Ajit pawar) दिशेने कांद्याची माळ फेकण्याचा प्रयत्न

शिवसेना आमदार अमोल खताळ यांच्यावर हल्ला

संगमनेर : संगमनेर विधानसभेचे शिवसेनेचे आमदार अमोल खताळ यांच्यावर हल्ला झाल्याची घटना गुरुवारी संध्याकाळी ७.४०

विरार दुर्घटना : मृतांच्या कुटुंबियांना ५ लाखांची मदत जाहीर

मुंबई : विरार भागात एक इमारत कोसळून झालेल्या दुर्घटनेत आतापर्यंत 17 जणांचा मृत्यू झालेला आहे, याबद्दल मुख्यमंत्री

Dagdusheth Halwai Ganpati Atharvashirsha : दगडूशेठ गणपतीसमोर ३५ हजार महिलांचे एकत्रित अथर्वशीर्ष पठण; खासदार सुनेत्रा पवारांचीदेखील खास उपस्थिती

पुणे : गणेशोत्सवाच्या दुसऱ्या दिवसाची सुरुवात पुण्यात भक्तिभाव आणि मंत्रोच्चारांच्या गजरात झाली. शहरातील

गडचिरोली जिल्ह्यात चकमक, एवढे जहाल नक्षलवादी ठार

गडचिरोली : महाराष्ट्रातील गडचिरोली जिल्ह्यात सुरक्षा पथक आणि नक्षलवादी यांच्यात चकमक झाली. या चकमकीत चार जहाल