अहमदाबाद (वृत्तसंस्था) : शुभमन गिलचा शतकी झंझावात आणि मोहित शर्माची भेदक गोलंदाजी अशा दोन्ही आघाड्यांवर सरस कामगिरी करत गुजरात टायटन्सने मुंबई इंडियन्सच्या स्वप्नांचा चकाचूर केला. शुक्रवारी झालेल्या दुसऱ्या क्वालिफायर सामन्यात गुजरातने मुंबईला ६२ धावांनी पराभवाचे पाणी पाजले. विजयासह गुजरातने यंदाच्या हंगामात अंतिम फेरीत प्रवेश केला आहे. अंतिम सामन्यात त्यांची गाठ चेन्नईशी पडणार आहे.
प्रत्युत्तरार्थ फलंदाजीला आलेल्या मुंबई इंडियन्सचे फलंदाज मोठ्या लक्ष्याच्या दबावापुढे झुकले. नेहल वधेरा, रोहित शर्मा या सलामीवीरांना दुहेरी आकडाही गाठता आला नाही. तिलक वर्मा आणि सूर्यकुमार यादव यांनी एकवेळ मुंबईला विजयाची आस दाखवली होती. परंतु फटकेबाजी करण्याच्या नादात ते आपली विकेट गमावून बसले. तिलकने १४ चेंडूंत ४३ धावा कुटल्या. या खेळीत त्याने ५ चौकार आणि ३ षटकारांची माळ लावली. नंतर सूर्यकुमार यादवची बॅट तळपली. त्याने ३८ चेंडूंत ६१ धावांची संघातर्फे सर्वात मोठी खेळी खेळली. सूर्यकुमार मैदानात होता तोपर्यंत मुंबईच्या विजयाच्या आशा जिवंत होत्या. स्कूप शॉर्ट मारण्याच्या प्रयत्नात सूर्या मोहित शर्माच्या जाळ्यात अडकला. मोहितने स्टम्पमध्ये चेंडू टाकत सूर्याला त्रिफळाचित केले. अपेक्षा असलेले ग्रीन आणि टीम डेविड यांनाही मोठी खेळी खेळण्यात अपयश आले. ग्रीनने ३० धावा जमवल्या. टीम डेविड तर २ धावा करून माघारी परतला. मुंबईचे अन्य फलंदाज धावा जमवण्यात अपयशी ठरले. इंडियन्सचा डाव १८.२ षटकांत १७१ धावांवर सर्वबाद झाला. गुजरातच्या मोहित शर्माने विकेटचे पंचक जमवत मुंबईला विजयापासून दूर ठेवले.
प्रथम फलंदाजीला आलेल्या गुजरात टायटन्सच्या शुभमन गिलने आपल्या फॉर्मला साजेशी अशी खेळी मुंबई इंडियन्सविरुद्ध केली. त्याने ६० चेंडूंत ७ चौकार आणि १० षटकार लगावत १२९ धावांची वादळी खेळी खेळली. गिलने यंदाच्या हंगामातील तिसरे शतक झळकावले. गिलच्या शतकामुळे गुजरातने निर्धारित २० षटकांत ३ फलंदाज गमावून २३३ धावा केल्या. गिलला साई सुदर्शनने ४३ धावांची साथ दिली. सुदर्शन अर्धशतक झळकावणार असे वाटत होते, पण तो रिटायर्ड आऊट झाला. हार्दिक पंड्याने लिटल कॅमियो खेळी खेळली.
त्याने १३ चेंडूंत नाबाद २८ धावा जोडल्या. पंड्याने आपल्या खेळीत २ चौकार आणि २ षटकार फटकवले. गिलचे तुफान धडकलेले असतानाही मुंबईच्या जेसन बेहरेंडॉर्फला मात्र मोठे फटके वाचवण्यात यश आले. अन्य फलंदाज मार खात असताना जेसनने मात्र ४ षटकांत केवळ २८ धावा दिल्या. लखनऊविरुद्धच्या सामन्याचा हिरो आकाश मढवाल, ख्रिस जॉर्डन कमालीचे महागडे ठरले. या दोघांनी प्रत्येकी ५० हून अधिक धावा दिल्या.
गुंडांच्या साथीने पुण्यात डॉक्टरचे भयानक कृत्य पुणे : पुण्यात सातत्याने चित्रविचित्र गुन्हेगारीच्या घटना (Pune Crime)…
बालहक्क मंडळाकडे वकिलांमार्फत केला सादर पुणे : पुण्यातील कल्याणीनगर भागात एका अल्पवयीन मुलाने मद्यधुंद अवस्थेत…
तिन्ही गाड्यांचा चक्काचूर; एकाचा जागीच मृत्यू पुणे : सध्या अनेक मार्गांवर मोकळा रस्ता दिसताच वाहनचालक…
आता 'हे' असणार ब्रिटनचे नवे पंतप्रधान लंडन : ब्रिटनमध्ये (Britain) काल म्हणजेच ४ जुलै रोजी…
एक दिव्यांगासह ३०० सायकल वारकऱ्यांचा सहभाग नाशिक : विठू नामाचा गजर करत दरवर्षी हजारो वारकरी…
मुंबई : भारताने तब्बल १७ वर्षांनंतर खेचून आणलेल्या टी-२० विश्वचषकामुळे (T20 World cup) देशभरात आनंदाची…