सावरनेर : ‘आईसारखे दैवत सा-या जगतावर नाही’ असं म्हणत बीड जिल्ह्यातील सावरनेरमधील खाडेवाडीत खाडे भावंडांनी चक्क आपल्या जन्मदात्या आईचं मंदिर बांधलं आहे. आईची कृपादृष्टी आपल्यावर कायम राहावी म्हणून आईची हुबेहूब मूर्ती बनवून घेत या तीन भावंडांनी ती मूर्ती मंदिरात स्थापन केली आहे.
वर्षभरापूर्वी राधा खाडेंचं हृदयविकाराच्या झटक्याने आकस्मिक निधन झालं. त्यामुळे तीन भावंडं पोरकी झाली. आईच्या प्रेमाखातर आर्थिक उत्पन्नाचा स्रोत केवळ शेती आणि ऊसतोडी असतानादेखील या मंदिराच्या उभारणीसाठी खाडे भावंडांनी ९ लाख रुपये इतका खर्च केला.
“कितीही देवांच्या पाया पडलं तरी आईवडिलांच्या पाया पडल्याशिवाय गुण येत नाही म्हणून आम्ही हे मंदिर बांधलं” असं थोरला भाऊ म्हणाला.
“आई एवढी प्रेमळ होती की तिची तुलनाच करु शकत नव्हतो. आईचं सतत स्मरण व्हावं असं वाटत होतं. आई अविस्मरणीय रुपात आमच्यासमोर राहावी म्हणून आम्ही भावंडांनी आईचं मंदिर बांधायचं ठरवलं”, हे बोलताना धाकल्या भावाला भरुन आलं.
माझे दोन्ही भाऊ नोकरी करत नसूनही केवळ शेतीच्या उत्पन्नावर त्यांनी हे जगावेगळं काम केलं आहे. आता अख्ख्या महाराष्ट्रात त्यांचं नाव निघत आहे, अशी भावना बहिणीने व्यक्त केली.
असं कधीच कोणी केलं नव्हतं त्यामुळे त्यांचं नाव इतिहासात लागेल, या मंदिराच्या माध्यमातून पुढील पिढीला एक नवा आदर्श मिळाला आहे, अशा प्रतिक्रिया गावकर्‍यांनी व्यक्त केल्या.
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…
२४ एप्रिलला एकनाथ शिंदे यांची शक्तिप्रदर्शन सभा! सिंधुदुर्ग : राज्याचे उपमुख्यमंत्री आणि शिवसेना पक्षप्रमुख एकनाथ…
माजी नगरसेवक राकेश कांदे यांचा वैभव नाईकांना थेट इशारा सिंधुदुर्ग : चेंदवण येथील सिद्धिविनायक उर्फ…
लहान नाल्यातील गाळ काढण्यापूर्वीचे आणि नंतरचे सीसीटीव्हीद्वारे चित्रीकरण मुंबई (खास प्रतिनिधी): पावसाळापूर्व कामांचा भाग म्हणून…
PM Modi : आजची धोरणे, निर्णय पुढील हजार वर्षांच्या भविष्याला आकार देणार आहेत : पंतप्रधान…
World Earth Day 2025: आपली शक्ती, आपला ग्रह - विश्व पृथ्वी दिन २०२५ मुंबई :…