राजस्थानची पंजाबवर बाजी

  159

धर्मशाला (वृत्तसंस्था) : यशस्वी जयस्वाल, देवदत्त पडीक्कल आणि शिमरॉन हेटमायर यांच्या दमदार खेळीच्या बळावर राजस्थान रॉयल्सने पंजाब किंग्जला ४ विकेट राखून पराभूत केले. विजयामुळे राजस्थानने पाचव्या स्थानी झेप घेतली.


प्रत्युत्तरार्थ फलंदाजीला आलेल्या राजस्थान रॉयल्सच्या जोस बटलरने चाहत्यांना पुरते निराश केले. त्याला भोपळाही फोडता आला नाही. यशस्वी जयस्वाल आणि देवदत्त पडीक्कल यांनी राजस्थानचा डाव सावरला. यशस्वीने ५०, तर पडिक्कलने ५१ धावा फटकवल्या. ही जोडी बाद झाल्यानंतर राजस्थानचा संघ पुन्हा संकटात आला. शिमरॉन हेटमायरने फलंदाजीची सूत्रे हाती घेत राजस्थानला विजयाच्या जवळ आणून ठेवले. हेटमायरने ४६ धावा चोपल्या. ध्रुव जुरेलने ट्रेट बोल्टच्या साथीने निर्णायक फटकेबाजी करून राजस्थानला विजय मिळवून दिला. राजस्थानने ४ विकेट आणि २ चेंडू राखून विजयी लक्ष्य गाठले. पंजाबच्या प्रत्येक गोलंदाजाने विकेट मिळवली. परंतु धावा रोखण्यात ते सपशेल अपयशी ठरले. कगिसो रबाडाने सर्वाधिक २ विकेट मिळवल्या.


प्रथम फलंदाजी करताना पंजाब किंग्जने निर्धारित २० षटकांत ५ फलंदाजांच्या बदल्यात १८७ धावा केल्या. सुरुवात अडखळत झाली असली तरी सॅम करन, जितेश शर्मा आणि एम शाहरूख खान यांनी फटकेबाजी करत पंजाबला सन्मानजनक धावसंख्या उभारून दिली. करनने नाबाद ४९ धावा केल्या. जितेश शर्माने ४४ धावांची भर घातली. एम शाहरूख खानने नाबाद ४१ धावा फटकवल्या. शेवटच्या षटकांत पंजाबने तुफान फलंदाजी केली. पंजाबने आपल्या डावाच्या शेवटच्या दोन षटकांत ४६ धावा कुटल्या. त्यामुळे सुरुवातीला संथ झालेली फलंदाजी नंतर मात्र आक्रमक झाली. त्यामुळे पंजाबच्या धावांचा वेग चांगलाच वाढला. राजस्थान रॉयल्सच्या संदीप सैनीने ४ षटकांत ३ बळी मिळवले. परंतु त्याला धावा रोखण्यात यश आले नाही.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर