पार्नेल, ब्रेसवेलपुढे राजस्थान शरण

  164

बंगळूरुचा ११२ धावांनी मोठा विजय


जयपूर (वृत्तसंस्था) : वायने पार्नेल, मायकल ब्रेसवेल आणि कर्ण शर्मा यांनी राजस्थान रॉयल्सच्या फलंदाजीचे कंबरडे मोडत 'करो या मरो' लढतीत रॉयल चॅलेंजर्स बंगळूरुला ११२ धावांनी मोठा विजय मिळवून दिला. आरसीबीने टिच्चून गोलंदाजी करत राजस्थानचा संघ अवघ्या ५९ धावांवर सर्वबाद केला. फाफ डु प्लेसीस आणि ग्लेन मॅक्सवेल यांनी वैयक्तिक अर्धशतके झळकावत बंगळूरुला सन्मानजनक धावसंख्या उभारून दिली. विजयासह आरसीबीने गुणतालिकेत पाचव्या क्रमांकावर झेप घेतली.



आरसीबीच्या गोलंदाजीपुढे राजस्थानच्या फलंदाजांनी गुडघे टेकले. राजस्थानच्या पाच फलंदाजांना खातेही उघडता आले नाही. १७२ धावांचा पाठलाग करताना राजस्थानच्या दोन्ही सलामीवीरांना भोपळाही फोडता आला नाही. चांगलाच फॉर्मात असलेला यशस्वी जयस्वाल आणि जोश बटलर ही जोडी आपल्या धावांचे खातेही न उघडता तंबूत परतली. त्यानंतर संजू सॅमसन केवळ ४ धावा करून पार्नेलचा शिकार झाला. अवघ्या ७ धावांवर ३ महत्त्वाचे मोहरे माघारी परतल्याने राजस्थानचा संघ अडचणीत सापडला. तेथून बाहेर पडणे शेवटपर्यंत राजस्थानला जमले नाही. शिमरॉन हेटमायरने ३५ धावा जोडत राजस्थानच्या पराभवातील अंतर काहीसे कमी केले. जो रुटने १० धावांची भर घातली. अन्य एकाही फलंदाजाला दुहेरी धावसंख्याही जमवता आली नाही. राजस्थानचा डाव १०.३ षटकांत ५९ धावांवर आटोपला. वायने पार्नेलने आरसीबीच्या फलंदाजांना नियंत्रणात ठेवले. त्याने ३ षटकांत केवळ १० धावा देत तीन प्रमुख फलंदाजांना बाद केले. मायकल ब्रेसवेलने ३ षटके फेकत १६ धावा देत २ फलंदाजांना माघारी धाडले. कर्ण शर्मा महागडा ठरला. परंतु त्याने २ विकेट मिळवल्या. सिराज आणि मॅक्सवेल यांनी प्रत्येकी एक विकेट मिळवली.



तत्पूर्वी प्रथम फलंदाजी करताना रॉयल चॅलेंजर्स बंगळूरुच्या फाफ डु प्लेसीस आणि ग्लेन मॅक्सवेल यांनी वैयक्तिक अर्धशतके झळकावत बंगळूरुला निर्धारित २० षटकांत ५ फलंदाजांच्या बदल्यात १७१ धावा उभारून दिल्या. अनुज रावतने तळात झटपट खेळी खेळली. त्याने ११ चेंडूंत ३ चौकार आणि २ षटकारांच्या मदतीने नाबाद २९ धावा फटकवल्या. त्यामुळे बंगळूरुला आपल्या धावांचा वेग वाढवता आला. राजस्थानच्या अॅडम झम्पाने धावा रोखत २ बळी मिळवले. केएम असिफनेही २ फलंदाजांना माघारी धाडले; परंतु त्याला धावा रोखणे जमले नाही.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर