हैदराबादचा राजस्थानला जोरका झटका

  139

४ विकेट राखून मिळवला थरारक विजय


जयपूर (वृत्तसंस्था): जयपूरच्या सवाई मानसिंह स्टेडियमवर सनरायझर्स हैदराबाद आणि राजस्थान रॉयल्स यांच्यात झालेला आयपीएल २०२३चा ५२वा सामना अखेरच्या चेंडूपर्यंत कमालिचा रंगला. अटीतटीच्या या सामन्यात शेवटच्या चेंडूवर षटकार लगावत हैदराबादने ४ विकेट राखून राजस्थानवर थरारक विजय मिळवला. हैदराबाद संघाने या सामन्यात विजय मिळवून प्ले ऑफमध्ये पोहोचण्याच्या आपल्या आशा जिवंत ठेवल्या आहेत. शेवटच्या चेंडूपर्यंत रंगलेल्या सामन्यात गुणतालिकेतील तळातील संघ सनराईजर्स हैदराबादने राजस्थानला पराभवाचा धक्का दिला. राजस्थानच्या २१५ धावांचे आव्हान पार करताना हैदराबादने सामना शेवटच्या चेंडूपर्यंत खेचला होता. हैदराबादला विजयासाठी १ चेंडू आणि ५ धावांची गरज असताना संदीप शर्माने अब्दुल समादला झेलबाद केले. मात्र त्यानंतर लगचे नो बॉलचा सायरन वाजला. हा सायरन फक्त नो बॉलचा राहिला नाही तर तो राजस्थानच्या पराभवाचा भोंगा देखील ठरला. आधीच्या चेंडूवर मैदान सोडलेल्या अब्दुल समादने एका चेंडूत ४ धावांची गरज असताना षटकार मारतच हैदराबादला रोमहर्षक सामना जिंकून दिला.



तत्पूवर्प, राजस्थान रॉयल्सने प्रथम फलंदाजी करत सनराईजर्स हैदराबाद विरूद्ध २० षटकात २ फलंदाजांच्या मोबदल्यात २१४ धावा केल्या. राजस्थानकडून सलामीवीर जॉस बटलरने ९५ धावांची खेळी केली तर संजू सॅमसनने ६६ धावा ठोकत संघाला २०० पार पोहचवले. यशस्वी जैसवालनेही १८ चेंडूत ३५ धावांची खेळी करत राजस्थानला चांगली सुरूवात करून दिली होती.



जोस बटलरची झंझावाती फलंदाजी आणि संजू सॅमसनची कर्णधाराला साजेशी खेळीच्या बळावर राजस्थानने निर्धारित २० षटकात दोन विकेटच्या मोबदल्यात २१४ धावांपर्यंत मजल मारली. जयपूरच्या सवाई मानसिंह मैदानावरील ही सर्वोच्च धावसंख्या आहे. जोस बटलर याने ९५ धावांची खेळी केली. तर संजू सॅमसन याने नाबाद ६६ धावांचे योगदान दिले. हैदराबादला विजयासाठी २१५ धावांचे आव्हान दिले.



राजस्थानने नाणेफेक जिंकून प्रथम फलंदाजी करण्याचा निर्णय घेतला. जोस बटलर आणि यशस्वी जायस्वाल यांनी वादळी सुरुवात केली. खासकरुन यशस्वी जायस्वाल याने फटकेबाजी केली. जोस बटलर याने सुरुवातीला संयमी फलंदाजी केली. पावरप्लेमध्ये यशस्वी जायस्वाल याने चौफेर फटकेबाजी केली. जयस्वाल याने १८ चेंडूत ३५ धावांची खेळी केली. जयस्वाल आणि बटलर यांनी पहिल्या विकेटसाठी ५४ धावांची भागिदारी केली.



यशस्वी जयस्वाल बाद झाल्यानंतर बटलर याने आक्रमक रुप घेतले. हैदराबादच्या गोलंदाजांचा बटलर आणि सॅमसन यांनी समाचार घेतला. दोघांनी चौकार आणि षटकारांचा पाऊस पाडला. संजू सॅमसन याने कर्णधाराला साजेशी फलंदाजी केली. बटलर याने मैदानाच्या चौफेर फटकेबाजी केली. संजू सॅमसन आणि जोस बटलर यांनी दुसऱ्या विकेटसाठी ८१ चेंडूत १३८ धावांची भागिदारी केली. अखेरीस भुवनेश्वर कुमारने जोस बटलरची खेळी संपुष्टात आणली. जोस बटलर याचे शतक थोडक्यात हुकले.



जोस बटलर याने ९५ धावांची खेळी केली. फक्त पाच धावांनी बटलरचे सहावे शतक हुकले. बटलरने आतापर्यंत पाच शतके लगावली आहेत. भुवनेश्वर कुमार याच्या अप्रतिम चेंडूवर जोस बटलर बाद झाला. बटलरने सुरुवातीला संयमी फलंदाजी केली. पहिल्या २० चेंडूवर बटलरने फक्त २० धावा केल्या होत्या. त्यानंतर जोस बटलर याने आक्रमक रुप धारण केले. बटलरने मैदानाच्या चारी बाजूने फटकेबाजी केली. बटलरने ५९ चेंडूत ९५ धावांची खेळी केली. या खेळीत बटलरने १० चौकार आणि चार षटकार लगावले.



जोस बटलर बाद झाल्यानंतर संजू सॅमसन याने राजस्थानचा डाव २०० च्या पुढे नेहला. संजू सॅमसन याने सुरुवातीपासूनच वादळी फलंदाजी केली. संजू सॅमसन याने ३८ चेंडूत ६६ धावांची खेळी केली. या खेळीत संजू सॅमसन याने पाच षटकार आणि चार चौकार लगावले. संजू सॅमनच्या वादळी खेळीमुळे राजस्थानने २१४ धावांपर्यंत मजल मारली. शिमरोन हेटमार याने नाबाद सात धावांची खेळी केली. हैदराबादकडून एकाही गोलंदाजाला भेदक मारा करता आला नाही.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर