गुजरातचा विजयी चौकार; प्लेऑफमध्ये प्रवेश निश्चित

अहमदाबाद (वृत्तसंस्था) : हार्दिक पांड्याच्या नेतृत्वाखालील गुजरातने रविवारी लखनऊचा ५६ धावांनी पराभव केला आणि गतविजेत्या गुजरातने प्लेऑफमधील आपले स्थान जवळपास निश्चित केले. गुजरातने ११ सामन्यांत आठ विजय मिळवत १६ गुणांची कमाई केली आहे. हार्दिक पांड्या आणि कृणाल पांड्या या बंधुंमधील ही लढत एकतर्फी झाली. २२८ धावांचा बचाव करताना गुजरातने लखनऊला १७१ धावांत रोखले. मोहित शर्मा याने ४ विकेट घेत विजयात मोलाचे योगदान दिले. साहा आणि गिल यांच्या वादळी अर्धशतकानंतर मोहित शर्मा याने भेदक मारा केला. गुजरातने लखनऊला आयपीएलमध्ये चौथ्यांदा पराभूत केले. गुजरातविरोधात लखनऊला अद्याप एकही विजय मिळवता आलेला नाही.



गुजरातने दिलेल्या २२८ धावांच्या आव्हानाचा पाठलाग करताना लखनऊच्या सलामी फलंदाजांनी वादळी सुरुवात केली. काइल मेयर्स आणि क्विंटन डिकॉक यांनी ८८ धावांची सलामी दिली. या जोडीने पाॅवरप्लेमध्ये ७२ धावांचा पाऊस पाडला होता. मोहित शर्माने ही जोडी फोडत लखनऊला मोठा धक्का दिला. मोहितने ४८ धावांवर काइल मेयर्स याला बाद केले. या विकेटनंतर लखनऊचा डाव गडगडला. काइल मेयर्सने ३२ चेंडूत ४८ धावांची खेळी केली. त्यामध्ये दोन षटकार आणि सात चौकार लगावले आहेत, तर क्विंटन डिकॉक याने ७० धावांची खेळी केली. या खेळीत क्विंटन डिकॉक याने तीन षटकार आणि सात चौकारांच्या मदतीने ७० धावांचा पाऊस पाडला.



क्विटन डिकॉक आणि काइल मेयर्स यांचा अपवाद वगळता एकाही फलंजाला लौकिकास साजेशी खेळी करता आली नाही. एकही फलंदाजाला ३० धावा करता आल्या नाहीत. दीपक हुड्डा ११, मार्कस स्टॉयनिस ४, निकोल पूरन ३, आयुष बडोनी २१ धावांवर बाद झाले.


साहा-गिल यांची वादळी खेळी...


वृद्धिमान साहा आणि शुभमन गिल यांच्या वादळी फटकेबाजीच्या जोरावर गुजरातने निर्धारित २० षटकात दोन विकेटच्या मोबदल्यात २२७ धावांपर्यंत मजल मारली. गिल आणि साहा यांनी १४२ धावांची सलामी दिली. गुजरातकडूनची ही आतापर्यंतची सर्वात मोठी भागिदारी होय. साहा आणि गिल जोडीने गुजरातला वादळी सुरुवात करुन दिली. विशेषत: साहाने लखनऊच्या गोलंदाजांचा समाचार घेतला. साहाने पहिल्या चेंडूपासूनच आक्रमक फलंदाजी केली. शुभमन गिल याने सुरुवातीला संयमी फलंदाजी केली. साहा फटकेबाजी करत असताना गिलने त्याला चांगली साथ दिली. साहा आणि गिल जोडीने १२ षटकात १४२ धावांची सलामी दिली. साहाने मौदानाच्या चारी बाजूने फटकेबाजी केली. साहा याने अवघ्या २० चेंडूत अर्धशतक झळकावले. गुजरातने पावरप्लेमध्ये ७८ धावांचा पाऊस पाडला होता. साहाने ४३ चेंडूत वादळी ८१ धावांची खेळी केली. या खेळीत साहाने चार षटकार आणि दहा चौकार लगावले. साहा आणि गिल यांनी लखनऊच्य प्रत्येक गोलंदाजाचा समाचार घेतला. साहा बाद झाल्यानंतर शुभमन गिल याने सामन्याची सूत्रे आपल्या हातात घेतली. शुभमन गिल याने मैदानाच्या चारी बाजूने फटकेबाजी केली. चौकारांपेक्षा षटकार जास्त लावत गिल याने धावांचा पाऊस पाडला. शुभमन गिल याला कर्णधार हार्दिक पांड्याने चांगली साथ दिली. पांड्याने १५ चेंडूत दोन षटकार आणि एका चौकारासह २५ धावांची खेळी केली. शुभमन गिल आणि हार्दिक पांड्या यांनी दूसऱ्या विकेटसाठी २३ चेंडूत ४२ धावा चोपल्या. हार्दिक पांड्या बाद झाल्यानंतर शुभमन गिल याने मिलरच्या साथीने गुजरातच्या डावाला आकार दिला. शुभमन गिल याने ५१ चेंडूत नाबाद ९४ धावांची खेळी केली. या खेळीत गिल याने सात षटकार आणि दोन चौकार लगावले. गिल आणि मिलर यांनी तिसऱ्या विकेटसाठी २४ चेंडूत ४३ धावांची भागिदारी केली. डेविड मिलर याने १२ चेंडूत नाबाद २१ धावांची खेळी केली.

Comments
Add Comment

WC Semi-Final: पहिल्यांदाच वनडे वर्ल्डकपच्या फायनलमध्ये पोहोचली दक्षिण आफ्रिका, इंग्लंडला १२५ धावांनी हरवले

मुंबई : आयसीसी महिला क्रिकेट वर्ल्डकप २०२५ मध्ये मोठा उलटफेर झाला आहे. दक्षिण आफ्रिकेच्या

भारत विरुद्ध ऑस्ट्रेलिया पहिला टी२० सामना पावसामुळे रद्द : दुसरा सामना ३१ ऑक्टोबरला!

ऑस्ट्रेलिया : मनुका ओव्हल मैदानावर भारत आणि ऑस्ट्रेलिया यांच्यात खेळला जाणारा पहिला टी२० सामना अखेर सततच्या

टी२० मध्ये पुन्हा पावसाचे विघ्न: २० ऐवजी १८ षटकांचा सामना !

कॅनबेरा : कॅनबेरातील मनुका ओव्हल स्टेडियमवर सुरू असलेल्या भारत–ऑस्ट्रेलिया पहिल्या टी२० सामन्यात पुन्हा एकदा

भारताला मोठा धक्का: दुखापतीमुळे नितीश कुमार रेड्डी तीन T20 सामन्यांमधून बाहेर!

कॅनबेरा : भारतीय क्रिकेट संघासाठी धोक्याची घंटा वाजवणारी बातमी समोर आली आहे. बीसीसीआयने बुधवारी दिलेल्या

७ महिन्यांच्या गर्भवती सोनिकाने जिंकले वेटलिफ्टिंग स्पर्धेत कांस्य पदक

दिल्ली : आयुष्यात काहीही अशक्य नाही, फक्त जिद्द असायला हवी. दिल्ली पोलीस कॉन्स्टेबल सोनिका यादव यांनी हे खरे

वन डे रँकिंगमध्ये स्मृती मानधनाचे वर्चस्व कायम

मुंबई : आयसीसी महिला एकदिवसीय वर्ल्डकप स्पर्धेत भारताची स्टार फलंदाज स्मृती मानधना हिने चमकदार कामगिरी केली