अदानी कंपनीसाठी खुशखबर! जागतिक रेटिंग एजन्सीने सांगितले…

मुंबई: जगातील प्रसिद्ध रेटिंग एजन्सी फिचने शुक्रवारी अदानी समुहाबाबत एक खुशखबर दिली आहे. फिचच्या म्हणण्यानूसार हिंडेनबर्ग अहवालानंतर अदानी समुहाच्या रेटिंगवर कोणताही तात्काळ परिणाम होणार नसल्याचे फिचचे म्हणणे आहे.

फीचने असेही नमुद केले की, अदानी समूहावरील हिंडेनबर्ग अहवालाचा अदानी समूहाच्या क्रेडिट प्रोफाइलवर कोणताही परिणाम झाला नाही. अदानी हिंडेनबर्गच्या अहवालानंतर अदानी समूहाने आपला एफपीओ मागे घेतला होता. त्यानंतर समूहाच्या शेअर्समध्ये मोठी घसरण झाली होती. अदानी समूहावरील हिंडेनबर्ग अहवाल निराधार असल्याचे अदानी समुहाने म्हटले होते आणि त्यांची आर्थिक स्थिती मजबूत असल्याचीही पुष्टी केली होती.

दुसरीकडे, मूडीज इन्व्हेस्टर्स सर्व्हिसनेही शुक्रवारी सांगितले की ते अदानी समूहाच्या आर्थिक अस्थिरतेवर लक्ष ठेवून आहेत. हिंडेनबर्गच्या अहवालानंतर अदानी समूहाच्या शेअर्समध्ये सातत्याने होत असलेल्या घसरणीबाबत ते म्हणाले, अलीकडच्या घडामोडींचा समूहावर नकारात्मक परिणाम होत आहे आणि त्यामुळे येत्या एक-दोन वर्षांत समूहाच्या कर्ज उभारणीच्या क्षमतेवर परिणाम होऊ शकतो.