मुंबई : मध्य रेल्वे मार्गावर ब्रिटीशकालीन कर्नाक बंदर पूल पाडण्यासाठी तब्बल २७ तासांचा मेगाब्लॉक (Megablock) असणार आहे. ब्लॉक दरम्यान, सीएसएमटी ते भायखळा दरम्यान रेल्वेसेवा खंडित करण्यात येणार आहे. यामुळे प्रवाशांची होणारी गैरसोय टाळण्यासाठी बेस्ट प्रशासनाने महत्त्वपूर्ण निर्णय घेतला आहे. शनिवारी रात्री १०.३० वाजल्यापासून ते रविवार सकाळी ६.३० पर्यंत बेस्टकडून १२ अतिरिक्त गाड्या चालवण्यात येणार आहेत.
कर्नाक पूल पाडण्याचे काम शनिवार १९ नोव्हेंबरपासून सुरू करण्यात येणार आहे. या ब्लॉक (Megablock) कालावधीत लोकल आणि एक्स्प्रेस गाड्यांच्या वेळापत्रकातही बदल करण्यात आला आहे.
सीएसएमटी ते भायखळा आणि वडाळा रोड दरम्यानची रेल्वे वाहतून मध्य रेल्वेने पूर्णपणे बंद ठेवली आहे. त्यामुळे प्रवाशांची गैरसोय टाळण्यासाठी बेस्ट उपक्रमाने १२ अतिरिक्त गाड्या चालवण्याचा निर्णय घेतला आहे. तसेच रविवारी इतर काही मार्गावर बेस्टच्या आणखी ३५ गाड्या चालवल्या जाणार आहे.
> ब्लॉक कालावधीत प्रवाशांची गैरसोय टाळण्यासाठी मध्य रेल्वेने बेस्ट उपक्रम आणि एसटी महामंडळाकडे दादर, परेल, भायखळा ते सीएसएमटी दरम्यान जादा बसगाड्या सोडण्याची मागणी केलेली आहे.
> या मागणीनुसार बेस्टने १९ नोव्हेंबरला रात्री १०.३० वाजल्यापासून ते २० नोव्हेंबर पहाटे ६.३० पर्यंत ४७ जादा बस चालवण्याचा निर्णय घेतला आहे.
> बस क्रमांक ९ वडाळा ते कुलाबा आगार, बस क्रमांक १ सीएसएमटी ते दादर स्थानक पूर्व आणि बस क्रमांक २ भायखळा पश्चिम ते कुलाबा आगारापर्यंत १२ गाड्या सोडण्यात येतील.
> बस क्रमांक ११, सी १०, १४, ए-१७४, ए४५ अशा एकूण ३५ बसगाड्या चालवण्यात येणार आहेत.
> एसटी महामंडळाकडून नियोजन सुरू असून प्रवाशांच्या गरजेनुसार बसगाड्या सोडण्यात येणार आहे.
मुसळधार पावसाचा पालघरमध्ये पहिला बळी पालघर : मुंबई, ठाण्यासह उपनगरीय भागात काल रात्रभर जोरदार पाऊस…
मुंबई : कांदिवली पश्चिमेकडील पोयसर नदीवर बसवण्यात आलेल्या सक्शन पंपाचे पाईप फुटल्याने आज कांदिवलीत मोठ्या…
मुंबई मनपा, पोलीस प्रशासन आणि आपत्कालीन यंत्रणेला सहकार्य करा : एकनाथ शिंदे अजित पवार यांनीही…
हार्बर रेल्वे तसेच मेल एक्स्प्रेस रद्द झाल्याने अडकलेल्या प्रवाशांच्या सोयीसाठी बससेवा मुंबई : मुंबईत काल…
मुसळधार पावसामुळे घडली दुर्दैवी घटना मुंबई : मुंबईसह ठाणे आणि उपनगरांत काल रात्रीपासून मुसळधार पाऊन…
मुंबई : राज्य विधिमंडळाच्या पावसाळी अधिवेशनात (Maharashtra Monsoon Sessions) आज एक महत्त्वाचा ठराव मांडला जाण्याची…