मुंबई : ऑनलाईन शॉपिंगच्या माध्यमातून मुंबईकरांनी कंडोम्सची विक्रमी खरेदी केल्याची खळबळजनक माहिती उघडकीस आली आहे. या अॅपवरून अंडी, कंडोम्स, सॅनिटरी नॅपकीन आणि टॅम्पॉन सर्वाधिक मागवले जात असल्याचे आढळून आले आहे. गेल्या वर्षीपेक्षा या वर्षी या गोष्टींच्या ऑनलाईन ऑर्डरमध्ये १६ पटींनी वाढ झाली आहे.
हल्ली सगळीकडे ऑनलाईन फूड मोठ्या प्रमाणात ऑर्डर केले जाते. भूक लागली की घरबसल्या फास्ट डिलवरी देत या अनेक ऑनलाईन प्लॅटफॉर्मवरून हल्ली जेवण, फास्ट फूड यांसारख्या गोष्टी ऑर्डर केल्या जातात. मात्र एका ग्राहकाने त्याच्या मुलांसाठी आईस्क्रिम आणि चिप्स ऑर्डर केले असता चक्क कंडोम डिलीवर करण्यात आल्याचे प्रकरण मागच्या आठवड्यात उघडकीस आले होते. त्यानंतर आता स्विगी आणि इन्स्टामार्ट ऑनलाईन शॉपिंगच्या माध्यमातून मुंबईत कंडोम्सची विक्रमी विक्री केल्याची माहिती उजेडात आली आहे.
स्विगी इन्स्टामार्टच्या माध्यमातून नव्याने पुरवण्यात आलेल्या माहितीनुसार, मुंबईकरांनी मागच्या वर्षभराच्या तुलनेत गेल्या १२ महिन्यांमध्ये ५७० पट अधिक कंडोम्स खरेदी केले आहेत.
सध्या हे इन्स्टामार्ट बंगळुरू, मुंबई, हैदराबाद, दिल्ली, चेन्नई येथे मोठ्या प्रमाणावर सुरू आहे. या शहरांमध्येही सॅनिटरी नॅपकिन्स, मेन्स्ट्रुअल कप, टॅम्पॉन अशा वस्तूंच्या खरेदीमध्ये मोठी वाढ झाल्याचे दिसून आले आहे.