'एनआयए'चा बिहारच्या मदरशावर छापा, एकाला अटक

  112

मोतिहारी (हिं.स.) : राष्ट्रीय तपास संस्थेने (एनआयए) बिहारच्या पूर्वी चंपारण जिल्ह्यातील जामिया मारिया निस्वा मदरशावर छापा टाकला आणि एका शिक्षकाला अटक केली. असगर अली असे अटक केलेल्या व्यक्तीचे नाव असून त्याला पाटणा येथे नेण्यात आले आहे. यासोबतच एनआयएने आणखी दोघांना ताब्यात घेतले होते. परंतु, चौकशीनंतर त्यांना सोडून देण्यात आले.


पटना येथील फुलवारी शरीफ परिसरातून पॉप्युलर फ्रंट ऑफ इंडियाचा (पीएफआय) अतहर परवेझ आणि मोहम्मद जल्लाउद्दीन यांना अटक केल्यानंतर तपास पूर्व चंपारण जिल्ह्यातही पोहोचला आहे. या प्रकरणाच्या तपासात चकिया येथील रियाजचे नाव समोर आल्यानंतर जिल्ह्यातील अनेक भाग सुरक्षा यंत्रणांच्या रडारवर आले. एनआयएचे दोन पथक मोतिहारी येथे पोहोचले. एनआयएच्या पहिल्या पथकाने मदरशातील शिक्षकाची चौकशी करून त्याला अटक केली, तर इतर दोघांना चौकशीसाठी ताब्यात घेतले. लॅपटॉपचीही तपासणी करण्यात आली. ताब्यात घेतलेल्या दोघांना चौकशीनंतर सोडून देण्यात आले.


एनआयएची दुसरी टीम पलानवा पोलीस स्टेशन हद्दीतील गड सिसवानिया गावात असगर अलीच्या घरी पोहोचली. यावेळी रक्सौलचे डीएसपी आणि इतर पोलिस अधिकारी देखील एनआयएच्या पथकासोबत होते. यावेळी पुस्तकांनी भरलेल्या पाच बॅगा एनआयएने जप्त केल्या. बिहार पोलिसांनी अलीकडेच अतिरेकी संघटना पॉप्युलर फ्रंट ऑफ इंडियाशी (पीएफआय) काही दुवे असलेल्या संभाव्य दहशतवादी मॉड्यूलचा भंडाफोड केला होता. तसेच भारतविरोधी कारवायांमधील सहभागाबद्दल पटनाच्या फुलवारी शरीफ परिसरातून दोन आरोपींना अटक केली. त्यानंतर आणखी तीन जणांना अटक करण्यात आली असून त्यांची संख्या पाच झाली आहे. यातील एका आरोपीला उत्तर प्रदेश पोलिसांनी लखनऊ येथून अटक केली आहे.


अटक केलेल्यांमध्ये झारखंडचे निवृत्त पोलीस अधिकारी मोहम्मद जल्लाउद्दीन आणि स्टुडंट्स इस्लामिक मूव्हमेंट ऑफ इंडियाचे (सीमी) आणि सोशल डेमोक्रॅटिक पार्टी ऑफ इंडियाचे (एसडीपीआय) सदस्य देखील आहेत. फुलवारीशरीफचे एसएसपी मनीष कुमार यांनी सांगितले की, एकूण २६ जणांविरुद्ध एफआयआर दाखल करण्यात आला असून त्यापैकी ३ जणांना अटक करण्यात आली आहे.

Comments
Add Comment

Bihar Election : मोदींवर अपशब्दांचा वर्षाव अन् शाहांचा इशारा..."जितक्या शिव्या द्याल, तितकं कमळ बहरणार!"

बिहार : बिहारमध्ये या वर्षाअखेर होणाऱ्या विधानसभा निवडणुकांची तयारी सर्वच राजकीय पक्षांनी जोरदार सुरू केली आहे.

उत्तराखंडमध्ये ढगफुटी आणि मुसळधार पावसाचा कहर

डेहराडून : उत्तराखंडमध्ये पुन्हा एकदा पावसाने रौद्र रूप धारण केले आहे. टिहरी जिल्ह्यातील गेंवाली भिलंगना येथे

२० लाख महिलांसाठी गिफ्ट...सुरू झाली नवी योजना, मिळणार दर महिना २१०० रूपये

नवी दिल्ली: हरियाणा सरकारने नुकतीच दीन दयाल लाडो लक्ष्मी योजना (Deen Dayal Lado Lakshmi Yojana) लागू करण्याची घोषणा केली आहे. या

शिखर परिषदेसाठी जपानमध्ये पोहोचले पंतप्रधान मोदी, टोकियोच्या एअरपोर्टवर जोरदार स्वागत

टोकियो: भारताचे पंतप्रधान नरेंद्र मोदी शिखर परिषदेत सहभागी होण्यासाठी जपानमध्ये पोहोचले आहेत. टोकियोच्या

प्रधानमंत्री जन धन योजनेत महिलांची ५६ टक्के भागीदारी

नवी दिल्ली : प्रधानमंत्री जन धन योजनेला गुरुवारी ११ वर्ष पूर्ण झाली. ही योजना २८ ऑगस्ट २०१४ रोजी सुरू करण्यात आली

'राष्ट्रीय हितासाठी तीन मुलं जन्माला घाला'

नवी दिल्ली : राष्ट्रीय हितासाठी तीन मुलं जन्माला घाला. हम दो हमारे तीन, हे धोरण राष्ट्रीय हितासाठी अवलंबिले