नवी दिल्ली (वृत्तसंस्था) : इंग्लंडमध्ये तीन वर्षांपूर्वी पार पडलेल्या एकदिवसीय विश्वचषक स्पर्धेत भारताचा उपांत्य फेरीत पराभव झाला होता. या सामन्यात भारताचा कर्णधार रोहित शर्माने इतिहास रचला होता. या विश्वचषकात ६ जुलै २०१९ मध्ये श्रीलंकाविरुद्ध साखळी सामन्यात रोहित शर्माने पाचवे शतक ठोकून विश्वविक्रमाला गवसणी घातली होती. रोहितच्या या विश्वविक्रमाला बुधवारी ३ वर्षे पूर्ण झाली.
दरम्यान, २०१९ मध्ये एकदिवसीय विश्वचषकात रोहित शर्मा नावाने कमालीची गोलंदाजी केली होती. या विश्वचषकात त्याने पहिल्यांदा दक्षिण आफ्रिकेविरुद्ध नाबाद १२२ धावांची खेळी केली. त्यानंतर पाकिस्तानविरुद्ध १४० धावा, इंग्लंडविरुद्ध १०२ धावांची खेळी, बांग्लादेशविरुद्ध १०४ धावा आणि श्रीलंकेविरुद्ध १०३ धावांची खेळी करत विश्वविक्रम रचला होता.
या कामगिरीसह रोहित शर्माने श्रीलंकेचा माजी कर्णधार कुमार संगकाराचा विक्रम मोडला. संगकाराने २०१५ मध्ये झालेल्या एकदिवसीय विश्वचषक स्पर्धेत ४ शतके झळकावली होती.