Monday, July 22, 2024
Homeमहामुंबईफडणवीसांच्या त्यागाचा भाजपला अभिमान

फडणवीसांच्या त्यागाचा भाजपला अभिमान

चंद्रकांत पाटील यांचे प्रतिपादन

मुंबई (प्रतिनिधी) : भारतीय जनता पार्टीकडे सर्वाधिक आमदार असतानाही हिंदुत्वासाठी लढणाऱ्या शिवसैनिकाला मुख्यमंत्री करण्यासाठी माजी मुख्यमंत्री देवेंद्र फडणवीस यांनी मनाचा मोठेपणा दाखवून त्याग केला. तसेच नव्या सरकारने चांगल्या रितीने काम करण्यासाठी पक्षाच्या आदेशानुसार देवेंद्र फडणवीस यांनी उपमुख्यमंत्रीपद स्वीकारले.

त्यांच्या त्यागाचा भाजपला अभिमान असून त्यांनी कार्यकर्त्यांसमोर पक्षशिस्तीचा आदर्श निर्माण केला आहे, असे प्रतिपादन भाजप प्रदेशाध्यक्ष चंद्रकांत पाटील यांनी शुक्रवारी केले. यावेळी राज्याचे नवे मुख्यमंत्री एकनाथ शिंदे यांना त्यांनी प्रदेश भाजपतर्फे शुभेच्छा दिल्या.

ते मुंबईत भाजप प्रदेश कार्यालयात पत्रकार परिषदेत बोलत होते. यावेळी माजी प्रदेशाध्यक्ष सुधीर मुनगंटीवार, प्रदेश उपाध्यक्ष आमदार राम शिंदे, माधव भांडारी, सुनील कर्जतकर, राज पुरोहित, कृपाशंकरसिंह, प्रदेश मुख्य प्रवक्ते केशव उपाध्ये, आमदार बबनराव लोणीकर, आमदार सुधीर गाडगीळ, आमदार सुनील कांबळे व आमदार नारायण कुचे उपस्थित होते.

भाजपचा जल्लोष

शुक्रवारी भाजपच्या प्रदेश कार्यालयात भाजप सत्तेत आल्याबद्दल कार्यकर्त्यांकडून जल्लोष करण्यात आला. मुंबई भाजपचे अध्यक्ष मंगल प्रभात लोढा, आमदार अतुल भातखळकर आदी नेते यात सहभागी झाले होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -