मनप्रीत सिंगकडेच भारताच्या हॉकी संघाचे नेतृत्व

  134

नवी दिल्ली (वृत्तसंस्था) : कॉमनवेल्थ गेम्ससाठी भारतीय पुरुष हॉकी संघाची सोमवारी घोषणा करण्यात आली. टोकियो ऑलिम्पिकमध्ये संघाचे नेतृत्व करणाऱ्या मनप्रीत सिंगकडेच पुन्हा एकदा कर्णधार पदाची जबाबदारी सोपवण्यात आली आहे.


मनप्रीतच्या नेतृत्वाखाली भारतीय हॉकी संघाने ४१ वर्षांच्या प्रतीक्षेनंतर ऑलिम्पिकमध्ये पदक जिंकले. या संघात टोकियोतील कांस्यपदक विजेत्या संघातील ११ खेळाडूंना स्थान देण्यात आले आहे. तर चार खेळाडूंना संघातून वगळण्यात आले आहे. पीआर श्रीजेश, कृष्ण बहादूर थापा हे अनुभवी गोलरक्षक दुखापतीनंतर संघात परतले आहेत. संघाच्या बचाव, मिडफिल्ड आणि फॉरवर्डमध्ये अनुभवी खेळाडूंना प्राधान्य देण्यात आले आहे. ड्रॅग फ्लिकर रुपिंदर पाल सिंगला या संघातून वगळण्यात आले आहे. ड्रॅग फ्लिकर हरमनप्रीत सिंगला संधी देण्यात आली आहे.


२८ जुलै ते ८ ऑगस्ट या कालावधीत बर्मिंगहॅम येथे कॉमनवेल्थ गेम्स खेळवले जाणार आहेत. भारतीय संघाला इंग्लंड, कॅनडा, वेल्स आणि घाना सोबत पूल ब मध्ये ठेवण्यात आले आहे. टीम इंडिया ३१ जुलैला घानाविरुद्ध आपल्या मोहिमेची सुरुवात करणार आहे. २०१८ च्या कॉमनवेल्थ गेम्समध्ये टीम इंडिया चौथ्या स्थानावर राहिली होती. भारताचा दुसरा सामना १ ऑगस्टला इंग्लंडविरुद्ध होणार आहे. तिसरा सामना ३ ऑगस्टला कॅनडा विरुद्ध होणार आहे. तर भारताचा चौथा सामना ४ ऑगस्टला वेल्स विरुद्ध होणार आहे.


भारताचा संघ :


पीआर श्रीजेश, कृष्ण बहादूर पाठक (दोन्ही गोलरक्षक),
बचावपटू : वरुण कुमार, सुरेंद्र कुमार, हरमनप्रीत सिंग (उपकर्णधार), अमित रोहिदास, जुगराज सिंग, जर्मनप्रीत सिंग,
मिडफिल्डर: मनप्रीत सिंग (कर्णधार), हार्दिक सिंग, विवेक सागर प्रसाद, समशेर सिंग, आकाशदीप सिंग, नीलकांत शर्मा,
फॉरवर्ड : मनदीप सिंग, गुरजंत सिंग, ललित कुमार उपाध्याय, अभिषेक.

Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर