हार्दिक पंड्याचे पुनरागमन

नवी दिल्ली (वृत्तसंस्था) : भारत-दक्षिण आफ्रिका यांच्यात ९ जूनपासून पाच सामन्यांच्या टी-२० मालिकेला सुरुवात होणार आहे. या मालिकेसाठी बीसीसीआयने भारतीय संघाची घोषणा केली आहे. हार्दिक पंड्याचे भारतीय संघात पुनरागमन झाले आहे.

या संघाचे नेतृत्व लोकेश राहुलकडे सोपविण्यात आले आहे. अष्टपैलू खेळाडू हार्दिक पंड्या संघात परतला आहे. उमरान मलिक आणि अर्शदीप सिंह यांना टीम इंडियाच्या टी-२० संघात पहिल्यांदाच संधी मिळाली असून विराट, रोहित, बुमरासारखे दिग्गज खेळाडू विश्रांतीवर असतील.

लोकेश राहुल (कर्णधार), ऋतुराज गायकवाड, दीपक हुडा, श्रेयस अय्यर, ऋषभ पंत (यष्टीरक्षक), दिनेश कार्तिक, हार्दिक पंड्या, वेंकटेश अय्यर, युझवेंद्र चहल, कुलदीप यादव, अक्षर पटेल, रवी बिश्नोई, भुवनेश्वर कुमार, हर्षल पटेल, आवेश खान, अर्शदीप सिंह, उमरान मलिक अशा संघाची घोषणा बीसीसीआयने केली आहे.

भारत आणि दक्षिण आफ्रिका यांच्यात पाच सामन्यांची टी-२० मालिका होणार आहे. ९ जूनपासून या मालिकेला सुरुवात होईल.