Monday, July 15, 2024
Homeमहाराष्ट्रपालघरडहाणू तालुक्यात रोहयोच्या कामाला वेग

डहाणू तालुक्यात रोहयोच्या कामाला वेग

स्थलांतरितांचे प्रमाण घटले

कासा (वार्ताहर) : डहाणू तालुका हा आदिवासीबहुल भाग असून ग्रामीण भागात एप्रिल, मे, जून या महिन्यांत येथील नागरिक, मजूर, पोटापाण्यासाठी मोलमजुरीच्या शोधात कुटुंब काफिल्यासह स्थलांतरित होतात. पुन्हा पाऊस सुरू झाल्यानंतर आपल्या गावी परततात. येथील आदिवासी मजूर स्थलांतरित होऊ नये म्हणून कृषी विभागाने रोजगार हमी योजनेअंतर्गत कामे सुरु केली आहेत.

वेती वरोती ग्रामपंचायत हद्दीत रोजगार हमी योजनेमधून जुनी भातशेती दुरुस्ती, बांधबंदोस्तीची कामे सुरु केली असून यात ६४ मजूर गेल्या एक महिन्यापासून रोजगार मिळवत आहेत. वेती येथील दोन हेक्टर जागेत जवळपास ९० हजारांचे काम सुरु आहे.

तर कोदेपाडा येथे एक लाख ३२ हजारांचे काम सुरु आहे. या कामामुळे अनेक गरीब कुटुंबाच्या हाताला काम मिळाले असून ती कुटुंबे स्थलांतरित होण्यापासून वाचली आहेत. यासाठी ग्रामपंचायतचे सहकार्य मिळाले असून तालुका कृषी अधिकारी संतोष पवार, कृषी पर्यवेक्षक सुनीता शरपाक, संदीप संख्ये, कृषी सहाय्यक अजय आंबेकर मेहनत घेत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -